మాటతీరుపై బుధుడు యొక్క ప్రభావం

జ్యోతిష్య శాస్త్ర ప్రకారం బుధుడు జాతకుల యొక్క భావ వ్యక్తీకరణ పై, మాటల పై ప్రభావం చూపుతాడు. పంచభూతాలలో ఒకటైన అగ్ని తత్వంతో మాటలను పోలుస్తారు. మాటల వలన బంధాలను కలుపవచ్చు. అవే మాటలతో బంధాలను విడదీయవచ్చు. కొంతమంది ఎక్కువగా మాట్లాడుతూ, వారిలో ఉన్న  జీవశక్తిని తగ్గించుకుంటారు.

              పూర్వం మహర్షులు, ఋషులు అందరూ కూడా నిరంతరం ధ్యానంలో ఉంటూ, తమ మాటలను నియంత్రణలో ఉంచుకుని, నిశ్శబ్దంగా ఉండేవారు. చాలా తక్కువగా మాట్లాడేవారు. అందువలన మహర్షులు, ఋషులు ఏది మాట్లాడినా, వారి నోటితో ఏది అన్నా కూడా ఇట్టే జరిగిపోయేది.

              జన్మకుండలిలో బుధుడికి  బలం లేకపోయినా, పాప లేదా శత్రు గ్రహాలతో సంగమించినా, ఆ జాతకులకు ఆలోచనా శక్తి తగ్గుతుంది. విశ్లేషించే సామర్థ్యం మందగిస్తుంది. హాస్య చతురత ఉండదు. స్పష్టంగా మాట్లాడే నైపుణ్యం తగ్గుతుంది.

              జన్మకుండలిలో బుధుడు బలంగా ఉంటే, ఆ జాతకులు ఇతరుల యొక్క మనస్తత్వాన్ని సులభంగా అర్థం చేసుకునే శక్తి ఉంటుంది. అన్ని స్థాయిల్లో ఉన్న వారితో సులభంగా మాట్లాడగలుగుతారు. రచనలు, కవిత్వాలు వ్రాయగలరు. లెక్కలను వేగంగా చేయగలరు. అకౌంటింగ్, గణితం వంటి విషయాలలో నైపుణ్యం కలిగి ఉంటారు.

 జన్మకుండలిలో బుధుని యొక్క స్థానాన్ని బట్టి జాతకుల మాట తీరు పై పడే ప్రభావాలు:

• బుధుడు మీనరాశిలో నీచపడతాడు. మీనరాశిలో బుధుడు జాతకులు, తాము మాట్లాడే మాటలు ఇతరులకు స్వార్థపూరితంగా కనిపిస్తాయి. తమలో ఉన్న తక్కువ స్థాయి ఆలోచనలను సైతం వ్యక్తపరుస్తారు. దీని వలన సమాజంలో గౌరవాన్ని కోల్పోతారు.
• జన్మకుండలిలో బుధుడు వక్రంగా ఉన్నట్లైతే, ఆ జాతకులు కొన్ని సంధర్భాలలో ఎంతో తెలివిగా వ్యవహరిస్తారు. మరికొన్ని సంధర్భాలలో అవివేకంగా, తెలివి తక్కువగా ప్రవర్తిస్తారు. కొన్నిసార్లు అర్థంలేని విషయాలను ఎక్కువగా మాట్లాడటం వలన, సమాజంలో గౌరవాన్ని కోల్పోతారు. (జన్మకుండలిలో బుధుడు వక్రంలో ఉంటే, జాతకులకు కలిగే ప్రభావం ఏమిటి? పూర్వ జన్మ సంబంధం ఏమిటి?)
• జన్మకుండలిలో బుధుడు స్తబ్ధతగా గాని లేదా సంధి జరిగేటపుడు అనగా (28^౦ – ౩౦^౦) డిగ్రీల లోపు ఉంటే, జాతకులకు జ్ఞాపకశక్తి తగ్గుతుంది. ఆలోచన లేకుండా మాట్లాడి, తర్వాత బాధపడతారు. పరీక్ష వ్రాసేటపుడు ప్రశ్నలకు సమాధానం గుర్తుకు రాకుండా, పరీక్ష అయిపోయాక ప్రశ్నలకు సమాధానం గుర్తుకు రావడం జరుగుతుంది. ఏదైనా వాదన జరుగుతున్నపుడు,వాదించడం సాధ్యం కానపుడు, గట్టిగా అరవడం చేస్తారు.కొంతమందికి మెదడులో రక్తం గడ్డ కట్టడం జరుగుతుంది.
• అష్టక వర్గ కుండలిలో బుధుడు స్థితి పొందిన రాశిలో 2^౦ లేదా అంతకన్నా తక్కువ డిగ్రీలలో ఉన్నట్లయితే, అటువంటి జాతకులు గట్టిగా మాట్లాడేందుకు జంకుతారు. ఆత్మవిశ్వాసం లోపిస్తుంది. వారిలో వారు గోనుక్కోవడం లేదా మాట్లాడలేకపోవడం జరుగుతుంది. ఈ స్థితి ఉన్న కొందరు జాతకులకు పుట్టుకతోనే స్వరపేటికలో లోపాలతో జన్మిస్తారు.
• జన్మకుండలిలో బుధుడు కుజునితో సంగమించిన జాతకులు, తాము ఎంతో పొగరుతో మాట్లాడే స్వభావం కలిగి ఉంటారు. తమ మాటలతో ఇతరులను రెచ్చగొట్టు స్వభావం కలిగి ఉంటారు. మాటలతో హింసించే లక్షణాలను కలిగి ఉంటారు. వీరు మాట్లాడే మాటల వలన గొడవలు సంభవించే అవకాశం ఉంటుంది. ఈ జాతకులు ఏదైనా వాదనలో పాల్గొంటే, అవతలి వారి వ్యక్తిగత విషయాలను వెలికితీయడం లేదా రెచ్చ గొట్టడం లాంటివి చేస్తూ విషయాన్ని ప్రక్కదోవ పట్టిస్తారు.
• జన్మకుండలిలో బుధుడు రాహువుతో సంగమిస్తే, ఆ జాతకులు ఇతరులతో వాదించే సమయంలో, అవతలి వారి గతాన్ని తవ్వి, నెగ్గే ప్రయత్నం చేస్తారు. వీరు చెప్పే మాటలను నెగ్గించుకోవడం కొరకు గట్టిగా అరుస్తారు.
• జన్మకుండలిలో బుధుడు శనితో సంగమించిన జాతకులు, తాము మాట్లాడేందుకు ఎక్కువ శక్తిని వినియోగించాల్సి వస్తుంది. ఈ జాతకులు కాసేపు మాట్లాడినా సరే,సులభంగా అలసిపోతారు.
• జన్మకుండలిలో బుధుడు కేతువుతో సంగమించినట్లయితే, ఆ జాతకులు నిశ్శబ్దంగా ఉంటారు. వీరు చాలా తక్కువగా మాట్లాడతారు. కాని వీరు నోరు తెరిచారంటే మాత్రం, అవతలి వారు నోరెత్తకుండా మాట్లాడతారు. ఒకే ఒక్క మాటతో వాదనను ముగించేస్తారు.
• జన్మకుండలిలో బుధుడు రవితో సంగమించినపుడు, ఆ జాతకులకు బుధాదిత్య యోగం ఏర్పడుతుంది. అయితే, బుధుడు వక్రగాతిలో ఉన్నా లేదా రాహు కేతువుతో సంగమించి ఉన్నా, రవి కంటే 14^౦ ఎక్కువ దూరంగా ఉన్నా, అలాంటి జాతకులకు బుధాదిత్య యోగం వర్తించదు.రవి బుధ సంగమం జరిగిన జాతకులు మంచి వక్త కాలేరు. కాని వీరికి ఉన్న జ్ఞానంతో, ప్రసంగాలతో, కవిత్వాలతో ఇతరుల చేత మెప్పు పొందగలరు. గణిత శాస్త్రం, అకౌంటింగ్, తర్క శాస్త్రంలో నైపుణ్యం కలిగి ఉంటారు.

• జన్మకుండలిలో బుధ, గురు సంగమం కలిగిన జాతకులు ఉన్నత జ్ఞానాన్ని కలిగి ఉంటారు. బహు భాషలను నేర్చుకొని అనర్గళంగా మాట్లాడగలరు. గొప్ప మేధస్సుని కలిగి ఉంటారు. గొప్ప ఉపన్యాసుకులులాగా లేదా గొప్ప స్ఫూర్తి ప్రదాతగా నిలుస్తారు.
• జన్మకుండలిలో బుధుడు చంద్రునితో సంగమించిన జాతకులకు తమ మనస్సు బలహీనంగా, సున్నితంగా ఉంటుంది. వీరి జాతకంలో బుధుడు బలంగా ఉంటే వీరి బుద్ధి గెలుస్తుంది. అదే వీరి జాతకంలో చంద్రుడు బలంగా ఉంటే, వీరి మనస్సు గెలుస్తుంది.
• జన్మకుండలిలో బుధుడు శుక్రునితో కలసి ఉన్న జాతకులు గ్లామర్ రంగంలో ఎక్కువగా ఉంటారు. బ్యూటిషియన్లు, చర్మ వ్యాధి నిపుణులు, వెడ్డింగ్ ప్లానర్లు, ఫ్యాషన్ డిజైనర్లు వీరిలో చాలా మందికి ఈ సంగమం కలిగి ఉంటుంది. బుధ, శుక్ర సంగమంలో ఎవరికైతే శుక్రుడు బలహీనంగా ఉంటారో, అలాంటి వారు సెలూన్లు, బ్యూటి పార్లర్లలో పని చేస్తూ, తమ నైపుణ్యం అంతా ఒకరి క్రింద పని చేసి వృధా అయిపోతోంది అన్న నిరాశలో బ్రతుకుతారు.

మన చర్మాన్ని, శరీరంలోని నరములను కూడా బుధుడు నియంత్రిస్తాడు. బుధుడు నీచంలో ఉన్నా లేదా పాపత్వం పొంది ఉన్నా జాతకులు ఆత్మాహుతి ఆలోచనలు చేస్తారు. స్నేహితులను, బంధువులను ముఖ్యంగా అమ్మ తరపు బంధువులను బుధుడు నియంత్రిస్తాడు. మాటలకు, వాగ్ధాటికి సంబంధించిన సమస్యలను తొలగించుకొనుటకు క్రింది మంత్రమును 1108 సార్లు జపించాలి:-

“అశేష వాగ్జాడ్య మలాపహరిణి నవం నవం స్పష్ట సువక్ ప్రదాయినీ|

మమైహి జిహ్వాగ్ర సురంగ నర్తకి భవప్రసన్న వదనేచమే శ్రీ||”

జాతకుల జన్మకుండలిని విశ్లేషణ చేయుటకు గురువర్యులకు 4-7 రోజుల వ్యవధి పట్టును. గురువర్యుల నుండి తమ జాతకమును పరీశీలించుకోదలచిన వారు క్రింద ఇవ్వబడిన ఫార్మ్ పూరించవలసి ఉంటుంది. బుక్ చేసుకున్న 4-7 రోజుల లోపు తమ జాతకచక్రంలోని యోగాలు, అవయోగాలు, ప్రధాన అంశాలను, ప్రధాన ఘట్టాలను, గ్రహ దోష అవయోగాలకు తగిన పరిహారములు తంత్ర విధానములో తెలుసుకోవచ్చును. జాతకులు తమ జాతక పరిశీలన వివరాలను తాము పొందిన తరువాత మాత్రమే తమ సందేహాలను ఫోను ద్వారా తెలిపి సందేహ విశ్లేషణను తెలుసుకొనవచ్చును. జాతక పరిశీలనలో ప్రత్యేకంగా ఏదైనా విషయం మీద క్షుణ్ణంగా పరిశీలన జరగాలి అనుకున్నవారు క్రింద ఇవ్వబడిన ఫారంలో చివరి బాక్సులో తమ సందేహాలను తెలుపవచ్చును. లేదా 9846466430 వాట్సప్ నెంబరు పై అయినా తెలియజేయవచ్చును.  గురువర్యులు మీ జాతకములను కొన్ని నిర్ణీత సమయాలలో మాత్రమే పరిశీలించుట జరుగును. ఇక్కడ గల ఫారంను క్షుణ్ణంగా పరిశీలించాక మాత్రమే సంప్రదింపులు చేయగలరని ఆశిస్తున్నాను. జాతక పరిశీలన శాంపిల్ ఎలా ఉంటుంది అనేది ఫారం కింద ఇవ్వబడిన లింకు ద్వారా చూడవచ్చు. జాతక చక్ర పరిశీలన కొరకు ఇక్కడ క్లిక్ చేయండి.

Ph: 9846466430

Related Articles: 

• జాతకంలో శుక్రగ్రహ వక్రగతి – పూర్వ జన్మ ప్రభావాలు

• జన్మకుండలిలో శని వక్రగతి మరియు పూర్వ జన్మ సంబంధం

• సంపూర్ణ జన్మకుండలి పరిశీలన
• కుజ దోషం
• జాతకంలో కుజగ్రహ వక్రగతి – పూర్వ జన్మ ప్రభావాలు

• సర్పబలి -సర్పారాధన ప్రాముఖ్యత

                                                          జాతకంలో వక్రగతి బుధ గ్రహ ప్రభావం- పూర్వ జన్మ సంబంధం

               జ్యోతిష్య శాస్త్రం ప్రకారం బుధుడు సంవత్సరానికి దాదాపు 3 సార్లు వక్రగతిలో సంచరిస్తాడు. బుధుడు వక్రగతిలో సంచారం 24 రోజుల పాటు సాగుతుంది.

               జన్మకుండలిలో బుధుడు వక్రగతిలో ఉన్నట్లైతే, ఆ జాతకులకు ఏదైనా సమస్యను విశ్లేషించుటలో, ఆలోచనా విధానంలో గాని నెమ్మదిగా, జాగ్రత్తగా ఆలోచించి చేస్తారు. ఇతరులతో మాట్లాడు విషయాలలో అతి జాగ్రత్తతో వ్యవహరిస్తారు. ఏదైనా నిర్ణయాలు తీసుకోవాల్సి వస్తే, ఆ సంధర్భాలలో వీరు చాలా వెనుకబడి ఉంటారు. నిర్ణయం తీసుకున్న తరువాత, ఆ నిర్ణయం సరైనదా కాదా, దీని వలన ఇంకెవరికైనా ఇబ్బందులు కలుగుతాయా అని పదేపదే వారిలో వారే సతమతమవుతారు.

               జన్మకుండలిలో బుధుడు వక్రగతిలో ఉన్న జాతకులకు, తమ ఆలోచన ప్రక్రియా విధానం మొత్తం కూడా లోలోపలే జరుగుతుంది. ఈ జాతకులలో కొందరు తమలో తాము మాట్లాడుకుంటూ ఉంటారు. వీరికి ఇతరులతో సంభాషించడంలో తీవ్ర ఇబ్బందులకు గురి అవుతారు. వక్రగతి బుధ ప్రభావం వీరి మాటలపై తీవ్రంగా ఉంటుంది. ఈ జాతకుల యొక్క ఆలోచన విధానాలలో, అలాగే వారి భావాలను బయటకి వ్యక్తపరచడంలో అంతర్ముఖ స్వభావాన్ని (Introvert) కలిగి ఉంటారు. నలుగురిలో మాట్లాడటానికి, వ్యక్తిగత విషయాలను వ్యక్తపరచడానికి చాలా కష్టపడతారు. ఏదైనా విషయంలో బలమైన అభిప్రాయాన్ని ఏర్పరచుకోవడానికి ఇబ్బందులు పడతారు.

               జన్మకుండలిలో బుధుడు వక్రగతిలో ఉన్న జాతకులు, తమ రోజు వారి పనులను కొన్ని వందల సార్లు చేసిన పని అయినా సరే, ఆ పనిని ఇతరుల ముందు చేయాలంటే తీవ్రంగా భయపడతారు. వక్రగతి బుధుడు వలన జాతకులకు మానసికంగా తీవ్రమైన ఒత్తిడిని అనుభవిస్తారు. మానసికంగా వీరిపైన ప్రభావం ఏవైనా సంధర్భాలు ఎదురైనపుడు, దాని నుండి బయట పడటానికి ఇతరులకంటే  వీరికి కాస్త సమయం ఎక్కువగానే పడుతుంది. ఈ విధమైన పరిస్థితులు ఎదురైనపుడు జన్మకుండలిలో బుధుడు వక్రగతిలో ఉన్న జాతకులు, ఆ సంధర్భాన్ని అర్థం చేసుకునేందుకు గతంలో జరిగినవి, కొన్ని సంవత్సరాల క్రితం జరిగిన సంఘటనలను కూడా మళ్ళీ గుర్తు చేసుకొని, వాటిని తిరిగి పరిశీలన చేసుకునే స్వభావం కలిగి ఉంటారు. దీని కారణంగా ఈ జాతకులు ప్రతిస్పందించడానికి, గాని, సమాధానం ఇవ్వడానికి గాని ఆలస్యం అవుతుంది. అయితే, కొంత సమయం తీసుకొని అయినా సరే, సంధర్భానికి తగ్గట్టు సరైన సమాధానాన్ని ఇవ్వగలుగుతారు. వీరు స్పందించేందుకు తీసుకునే ఈ ఆలస్యం వల్ల కొన్నిసార్లు ఇతరుల నుండి విమర్శలు పొందాల్సి వస్తుంది. ఈ జాతకులకు ఉన్న మంచి లక్షణం ఏమిటంటే, ఈ జాతకులు ఆవేశంతో గాని, ఆలోచించకుండా గాని, తొందరాది గాని స్పందించరు. పరిస్థితులను క్షుణ్ణంగా పరిశీలించి, ఏది మంచి, ఏది చెడు అనే నిర్ణయానికి వచ్చిన తరువాతే వీరు స్పందిస్తారు. కానీ, ఈ లక్షణం కూడా బుధుడు వక్రించిన రాశి మీద కూడా ఆధారపడి ఉంటుంది.

               జన్మకుండలిలో బుధుడు వక్రగతిలో ఉన్న జాతకులకు మానసికంగా ఉన్న గందరగోళాన్ని మరియు మానసిక సంఘర్షణలను నియంత్రించుకోగలిగితేనే, జాతకులు ఎంతో మేధావులుగా మెరుగులు దిద్దుకోగలరు. ఈ జాతకులకు ఇతరులతో సంభాషించడం అనేది ఒక క్లిష్టతరమైన పనిగా భావిస్తారు.  వీరి ఆలోచనలు స్పష్టంగా బయట పెట్టలేకపోవడం, వీరి భావాలను వ్యక్తపరచడం కష్టమవడం, ఈ లక్షణాల వలన జాతకుల యొక్క ఉద్దేశాలను ఇతరులు అపార్థం చేసుకుంటారు. దీని వలన వీరి పై వీరికి ఆత్మ విశ్వాసం తగ్గుతుంది. కానీ ఈ జాతకులకు అంతర్గతంగా జ్ఞానం విపరీతంగా ఉంటుంది. ఎంతోమంది గొప్ప గొప్ప పరిశోధకులకు, రచయితలకు, జ్యోతిష్యులకు, ఆధ్యాత్మిక గురువులకు సైతం బుధుడు వక్రగతిలో ఉన్నవారు ఉన్నారు.

               జాతకంలో బుధుడు వక్రగతిలో ఉన్నవారికి సంభాషణల్లో సమస్యలు రావడం, వారి ఫోన్లకు తరచూ రిపేర్లు రావడం, ప్రయాణాలలో అడ్డంకులు ఎదుర్కోవడం వంటివి కలుగుతాయి. ట్రాఫిక్ వల్ల గాని, అందాల్సిన సరుకులు సరైన సమయానికి అందకపోవడం వంటి చిన్న కారణాల వలన వీరి వ్యాపారాలు మందగొడిగా నడుస్తాయి. కొరియర్ సర్వీసులు చేసేవారు, జ్యోతిష్యులు, విద్యా రంగంలో పని చేసేవారు, లాయర్లు, స్టాక్ బ్రోకర్లు, మీడియాలో పనిచేసేవారు, వైద్య రంగంలో పనిచేసేవారు, ట్రావెల్స్ రంగంలో ఉండేవారు, జాతకంలో వక్ర బుధుడు ఉంటే, వీరందరి పై ప్రభావం ఎక్కువగా పడుతుంది.

               జన్మకుండలిలో బుధుడు వక్రగతిలో ఉన్నవారు జ్యోతిష్యులు అయితే, వారు జాతకాలను అద్భుతంగా విశ్లేషిస్తారు గాని సరైన అంచనాలను వివరించలేరు.

               గోచారంలో బుధుడు స్తబ్ధతగా ఉన్న కాలంలో జాతకులకు తమ మనస్సులో కొత్త ఆవిష్కరణలు, కొత్త ఆలోచనలు చిగురిస్తాయి. కానీ ఆ ఆలోచనలు, ఆవిష్కరణలు అన్నీ కూడా, గోచారంలో బుధుడు మళ్ళీ సవ్య దిశలో సంచరించేటపుడు మాత్రమే ఆచరణలోకి వస్తాయి. గోచారంలో బుధుడు స్తబ్ధతగా ఉన్నకాలం మరియు వక్రగతిలో ఉన్న కాలం, ఈ జాతకులకు ఒక మంచి సమయంగా చెప్పవచ్చు. ఎందుకంటే ఈ సమయంలోనే పూర్హిగాని పనులు, మొండిగా సాగుతున్న వ్యాపార వ్యవహారాలు అన్నిటిలో లాభాలు ఏమిటి, నష్టాలు ఏమిటి అని విశ్లేషించుకునే అవకాశం కలుగుతుంది, బుధుడు మళ్ళీ సవ్య దిశలో సంచరించగానే, ఎంతో కాలం పాటు స్తబ్ధతగా ఉన్న పనులు, వ్యవహారాలు అన్నీ కూడా ఊపు అందుకుంటాయి. దీని వలన ఈ జాతకులకు ఆత్మ విశ్వాసం కూడా పెరుగుతుంది.

               జాతకంలో బుధుడు వక్రగతిలో ఉన్న జాతకులు తమ భావాలను వ్యక్తపరచడానికి చాలా భయపడతారు. నలుగురిలో మాట్లాడటానికి తీవ్రంగా జంకుతారు. ఏదైనా తప్పుగా మాట్లాడతానేమో అని నిరంతరం ఆలోచిస్తూ ఉంటారు. ఆ భయం వలన చెప్పాలసిన ముఖ్యమైన విషయాలు కూడా చెప్పకుండా నిశ్శబ్ధంగా ఉండిపోతారు. తమని ఎవరూ అర్థం చేసుకోరు అన్న భావన గత జన్మ నుండి తీవ్రంగా పాతుకుపోవడం వలన కూడా చాలా విషయాలు తమలోనే పెట్టుకొని బాధపడుతూ ఉంటారు.

               గత జన్మలో ఈ జాతకులకు ఉన్న మంచి వాగ్ధాటిని దుర్వినియోగం చేసుకొని ఉంటారు. గత జన్మలో ఈ జాతకులు తమ మాటలతో ఎక్కువ మంది ప్రజల మధ్య అల్లర్లు, పోట్లాటలు జరిగేందుకు కారణం అయ్యి ఉంటారు. దీని వలన, ఈ పూర్వ జన్మ కర్మ ప్రభావం వలన, వీరి మేధస్సు పై వీరికి విశ్వాసం తక్కువగా ఉంటుంది. అదేవిధంగా, వీరికి ఇతరులతో సంభాషించేందుకు సరైన నైపుణ్యం లేదు అన్న భావనతోనే ఉంటారు.

               గత జన్మలో ఈ జాతకులు మనస్సు విప్పి మాట్లాడినందుకు, లేదా ధైర్యంగా మాట్లాడినందుకు గాని అవమానాలు, అపార్థాలు, ఎదురు దెబ్బలు తగిలాయి. దీని ఫలితంగా, ఈ జాతకులా యొక్క ఆత్మ, ఈ అవమానాలను, అపార్థాలను గుర్తుంచుకొని, ఈ జన్మలో కూడా ఆ భయాన్ని వ్యక్తపరుస్తుంది. అందువలన ఈ జన్మలో ఈ జాతకులు, తమ మేధస్సు పై కలిగి ఉండాలి. నిజానికి వీరి మనస్సులో ఏ విధమైన సంకోచం, భయం లేకుండా మాట్లాడితే, వీరికి తిరిగి సమాధానం కూడా ఇవ్వలేరు, కావున ఈ జాతకులు తమ ఆత్మ విశ్వాసాన్ని పెంపొందించుకోవాలి.         

జాతకుల జన్మకుండలిని విశ్లేషణ చేయుటకు గురువర్యులకు 4-7 రోజుల వ్యవధి పట్టును. గురువర్యుల నుండి తమ జాతకమును పరీశీలించుకోదలచిన వారు క్రింద ఇవ్వబడిన ఫార్మ్ పూరించవలసి ఉంటుంది. బుక్ చేసుకున్న 4-7 రోజుల లోపు తమ జాతకచక్రంలోని యోగాలు, అవయోగాలు, ప్రధాన అంశాలను, ప్రధాన ఘట్టాలను, గ్రహ దోష అవయోగాలకు తగిన పరిహారములు తంత్ర విధానములో తెలుసుకోవచ్చును. జాతకులు తమ జాతక పరిశీలన వివరాలను తాము పొందిన తరువాత మాత్రమే తమ సందేహాలను ఫోను ద్వారా తెలిపి సందేహ విశ్లేషణను తెలుసుకొనవచ్చును. జాతక పరిశీలనలో ప్రత్యేకంగా ఏదైనా విషయం మీద క్షుణ్ణంగా పరిశీలన జరగాలి అనుకున్నవారు క్రింద ఇవ్వబడిన ఫారంలో చివరి బాక్సులో తమ సందేహాలను తెలుపవచ్చును. లేదా 9846466430 వాట్సప్ నెంబరు పై అయినా తెలియజేయవచ్చును.  గురువర్యులు మీ జాతకములను కొన్ని నిర్ణీత సమయాలలో మాత్రమే పరిశీలించుట జరుగును. ఇక్కడ గల ఫారంను క్షుణ్ణంగా పరిశీలించాక మాత్రమే సంప్రదింపులు చేయగలరని ఆశిస్తున్నాను. జాతక పరిశీలన శాంపిల్ ఎలా ఉంటుంది అనేది ఫారం కింద ఇవ్వబడిన లింకు ద్వారా చూడవచ్చు. జాతక చక్ర పరిశీలన కొరకు ఇక్కడ క్లిక్ చేయండి.

Ph: 9846466430

Related Articles: 

• జాతకంలో శుక్రగ్రహ వక్రగతి – పూర్వ జన్మ ప్రభావాలు

• జన్మకుండలిలో శని వక్రగతి మరియు పూర్వ జన్మ సంబంధం

• సంపూర్ణ జన్మకుండలి పరిశీలన
• కుజ దోషం
• జాతకంలో కుజగ్రహ వక్రగతి – పూర్వ జన్మ ప్రభావాలు

• సర్పబలి -సర్పారాధన ప్రాముఖ్యత

                                                        జాతకంలో వక్రగతి కుజ ప్రభావం- పూర్వ జన్మ సంబంధం

కుజుడు ప్రతీ 26 నెలలకు ఒకసారి వక్రగతిలో సంచరిస్తాడు. దాదాపు 8 నెలల పాటు కుజుడు వక్రగతిలో సంచరిస్తాడు. జన్మకుండలిలో కుజుడు వక్రగతిలో ఉన్న జాతకులకు తమ యొక్క కోరికలు, లక్ష్యాలు అనీ కూడా తమకు ఉన్న అనిశ్చిత పరిస్థితుల వలన, అవకాశాల కొరత వలన లేదా అనుకూల పరిస్థితులు లేకపోవడం వలన ఆలస్యం అవుతాయి. ఈ జాతకులలో శారీరక శక్తి, జీవశక్తి సాధారణంగా తక్కువగా ఉండే అవకాశం ఉంటుంది.

               కుజుడు వక్రంలో ఉన్న జాతకులు ఏ విధమైన సవాళ్ళు అయినా సరే, వాటిని ఎదుర్కొనేందుకు ముందుకు రాలేరు. ఏ పని చేయాలన్న చాలా అతి జాగ్రత్తగా వ్యవహరిస్తారు. అందుకారణంగా వీరిని మొండివారిగా కూడా పరిగణిస్తారు. ఏ పనికైనా లేదా ఇచ్చే మాటకైనా కట్టుబడేముందు, జాతకులు తాము ఏమి చేస్తున్నారో, దాని గురించి ప్రతీ చిన్న విషయాన్ని కూడా తెలుసుకోవాలని ప్రయత్నిస్తారు. ఈ విధమైన అతి జాగ్రత్త తీసుకోవడం వలన, తొందరపాటుతో తీసుకునే నిర్ణయాల వలన కలిగే నష్టాల నుండి చాలా వరకు తప్పించుకోగలుగుతారు.

               జాతకంలో కుజుడు వక్రంలో ఉన్న పురుషులలో కొందరికి నపుంసకత్వం, స్త్రీ జాతకులలో కొందరికి లైంగిక ఆసక్తి తగ్గడం వంటి సమస్యలు కనిపించే అవకాశం ఉంటుంది.  అతిగా ఉపవాసాలు చేయడం, మతపరమైన, ఆధ్యాత్మిక కార్యక్రమాల్లో అధికంగా పాల్గొనడం వంటి కారణంగా కూడా జాతకుల్లో ఈ సమస్యలు కలుగవచ్చు.

               జాతకంలో కుజుడు వక్రగతిలో ఉన్న జాతకులు, తాము చేపట్టిన పనిలో ఆశించిన ఫలితం వస్తుందన్న నమ్మకం లేకపోతే, ఒప్పుకున్న ఆ పనిని పూర్తి చేయకుండా మధ్యలోనే వదిలేస్తారు.

               ఈ జాతకులు ఏ విషయాన్ని అయినా లోతుగా ఆలోచించి మళ్ళీ మళ్ళీ విశ్లేషించే స్వభావం ఉన్నవారు అయినందున, వీరు ప్రణాళికలు రూపొందిచుటలో, పనులను క్రమబద్ధంగా నిర్వహించుటలో మంచి నైపుణ్యం చూపుతారు. సైన్సు, పరిశోధనా రంగం, వైద్య రంగాల్లో ఈ జాతకులు మంచి ప్రతిభను కనబరచగలరు. మనుషులకు కలిగే సహజమైన భావోద్వేగాలను, ఉదాహరణకు, వీరికి వచ్చే కోపాన్ని బయటకి వ్యక్తపరాచకుండా లోలోపలే అణచుకునే స్వభావం ఉంటుంది. దీని వలన జాతకులకు మానసిక సంఘర్షణలు అధికమవుతాయి. ఎక్కువకాలం పాటు జాతకులు తమ భావోద్వేగాలను అణచివేసుకోవడం వలన మానసికంగా ప్రతికూలతలు ఏర్పడి, దాని వలన జీవితం పై తమకు నిరాశావాద ధృక్పథం పెరిగే అవకాశం ఉంటుంది. కోపాన్ని అణచివేయటం వలన జాతకులకు కడుపులో సమస్యలు రావడం, అసిడిటీ, ఇతర జీర్ణకోశ సంబంధిత సమస్యలు కలుగు అవకాశం ఉన్నది.

               జన్మకుండలిలో కుజుడు వక్రగతిలో ఉన్నాడంటే, ఆ జాతకులకు కుజ గ్రహానికి సంబంధించిన బాధకారమైన అనుభవాలు గత జన్మలో ఉన్నట్టు గుర్తించాలి. ఆ అనుభవాలు అన్నీ జాతకుల యొక్క సూక్ష్మ శరీరంలో ముద్రలుగా నిలిచిపోయి ఉంటాయి. ఆ బాధకారమైన అనుభవాల యొక్క ప్రభావాన్ని ఈ జన్మలో బాధని, భారాలను పూర్తిగా తొలగించుకునేలా జాతకులకు సంఘటనలు ఎదురవుతాయి.

               కుజుడు వక్రగతిలో ఉన్న జాతకులకు గత జన్మలో జరిగిన సంఘటనలను ఉదాహరణగా తీసుకుంటే, జాతకులు ఒక సైనికుడిగానో, ఒకరి కింద పనిచేసే బానిసగానో లేదా ఉన్నతాధికారి కింద పని చేసే వ్యక్తి అయినా అయ్యి ఉండచ్చు. ఈ జాతకులు తమ బాస్ లేదా తమ పై అధికారి ఆదేశం ప్రకారం, తమ మనస్సుకు ఇష్టం లేకపోయినా సరే, చాలా మంది పట్ల క్రూరంగా ప్రవర్తించి ఉంటారు.

               లేదా, ఒక క్షుద్ర విద్యను ఆచరించే వ్యక్తి వీరిని నియంత్రించిన కారణంగా, వీరి ఇష్టానికి వ్యతిరేకంగా ఇతరులకు హాని కలిగించడం, నేరాలకు పాల్పడటం వంటివి చేయాల్సి వచ్చి ఉండవచ్చు.

               ఈ విధంగా ఏ సంధర్భమైనా సరే, వీరి మనస్సుకు ఆ నేరం చేయుటకు ఇష్టం లేకపోయినప్పటికి, వీరి చేత బలవంతంగా ఆ నేరాలు చేయించినప్పటికి, వీరికి గత జన్మలోనే తీవ్రమైన అపరాధ భావనా మిగిలిపోయి ఉంటుంది. వీరు పాటించినది వీరి యజమాని యొక్క ఆదేశాలు అయినప్పటికి, వీరి అంతరాత్మ మాత్రం వీరిని నిందిస్తూనే ఉంటుంది.

               జన్మకుండలిలో కుజుడు వక్రగతిలో ఉన్నట్లైతే, గత జన్మలో జరిగిన ఈ విధమైన సంఘటనలకు సంబంధించిన భావోద్వేగాలు, అపరాధ భావన, మానసిక సంఘర్షణ అన్నీ కూడా ఈ జన్మలో జాతకులకు అంతర్గతంగా విలీనం అయ్యి ఉంటాయి. వీటి వలన జాతకులకు క్లిష్టమైన వ్యక్తిత్వ లక్షణాలు ఈ జన్మలో ఏర్పడతాయి. కొన్ని సమయాల్లో, ఏమి జరగకుండానే, ఏ కారణం లేకుండానే అపరాధ భావన కలిగి ముభావంగా ఉంటారు. తమకు అన్నీ విషయాలలో సామర్థ్యం తక్కువగా ఉందన్న భావనలో గడుపుతూ, నిరాశ నిస్పృహలలో ఉంటారు. నలుగురి మధ్య మెలగడానికి గాని, మాట్లాడటానికి గాని వీరికి మానసికంగా శీఘ్రంగా అలసట వస్తుంది.

               జన్మకుండలిలో కుజుడు వక్రగతిలో ఉన్న జాతకులు ఏ పని చేయాలన్నా, లేదంటే ఏ నిర్ణయం తీసుకోవాలన్నా, ఒకటికి పదిసార్లు ఆలోచించి అతి జాగ్రత్త పడతారు. అయితే, ఈ లక్షణం పరిశోధకులకు గాని, ప్రాజెక్టులను క్రమబద్ధంగా నిర్వహించేవారికి గాని ఉంటే, ఇది ఎంతగానో ఉపయోగపడే లక్షణంగా కూడా చెప్పవచ్చు. కాని, అదే ఈ జాతకులు ఏదైనా నిర్ణయాన్ని ఏమి ఆలోచించకుండా, తొందరపాటుతో తీసుకుంటే, దాని వలన వీరికి నష్టాలు కలుగుతాయి.

               కుజుడు వక్రగతిలో ఉన్న జాతకులు తమ జీవిత భాగస్వామితో కూడా సౌకర్యంగా ఉండలేరు. తమ జీవిత భాగస్వామి పై తమకున్న భావాలను వ్యక్తపరచడం కూడా వీరికి కష్టంగా ఉంటుంది. పునరుత్పత్తి వ్యవస్థలో కూడా వీరికి కొన్నిసార్లు సమస్యలు తలెత్తు అవకాశం ఉంటుంది. దీని వలన దంపతుల మధ్య సాన్నిహిత్యం తగ్గుతుంది. జీర్ణకోశ వ్యవస్థ, రక్త ప్రసరణ వ్యవస్థ, పునరోత్పత్తి వ్యవస్థల పై కూడా వక్రగతిలో ఉన్న కుజుడు ప్రభావం జాతకులపై ఉంటుంది. కాబట్టి, వీటికి సంబంధించిన వ్యాధి లక్షణాలు కనబడినపుడు జాతకులు జాగ్రత్తపడి, వైద్యులను తప్పక సంప్రదించాలి.

జాతకుల జన్మకుండలిని విశ్లేషణ చేయుటకు గురువర్యులకు 4-7 రోజుల వ్యవధి పట్టును. గురువర్యుల నుండి తమ జాతకమును పరీశీలించుకోదలచిన వారు క్రింద ఇవ్వబడిన ఫార్మ్ పూరించవలసి ఉంటుంది. బుక్ చేసుకున్న 4-7 రోజుల లోపు తమ జాతకచక్రంలోని యోగాలు, అవయోగాలు, ప్రధాన అంశాలను, ప్రధాన ఘట్టాలను, గ్రహ దోష అవయోగాలకు తగిన పరిహారములు తంత్ర విధానములో తెలుసుకోవచ్చును. జాతకులు తమ జాతక పరిశీలన వివరాలను తాము పొందిన తరువాత మాత్రమే తమ సందేహాలను ఫోను ద్వారా తెలిపి సందేహ విశ్లేషణను తెలుసుకొనవచ్చును. జాతక పరిశీలనలో ప్రత్యేకంగా ఏదైనా విషయం మీద క్షుణ్ణంగా పరిశీలన జరగాలి అనుకున్నవారు క్రింద ఇవ్వబడిన ఫారంలో చివరి బాక్సులో తమ సందేహాలను తెలుపవచ్చును. లేదా 9846466430 వాట్సప్ నెంబరు పై అయినా తెలియజేయవచ్చును.  గురువర్యులు మీ జాతకములను కొన్ని నిర్ణీత సమయాలలో మాత్రమే పరిశీలించుట జరుగును. ఇక్కడ గల ఫారంను క్షుణ్ణంగా పరిశీలించాక మాత్రమే సంప్రదింపులు చేయగలరని ఆశిస్తున్నాను. జాతక పరిశీలన శాంపిల్ ఎలా ఉంటుంది అనేది ఫారం కింద ఇవ్వబడిన లింకు ద్వారా చూడవచ్చు. జాతక చక్ర పరిశీలన కొరకు ఇక్కడ క్లిక్ చేయండి.

Ph: 9846466430

Related Articles: 

• జాతకంలో శుక్రగ్రహ వక్రగతి – పూర్వ జన్మ ప్రభావాలు

• జన్మకుండలిలో శని వక్రగతి మరియు పూర్వ జన్మ సంబంధం

• సంపూర్ణ జన్మకుండలి పరిశీలన
• కుజ దోషం

• సర్పబలి -సర్పారాధన ప్రాముఖ్యత

జాతకంలో శుక్రగ్రహ వక్రగతి – పూర్వ జన్మ ప్రభావాలు

Retrograde venus in birth chart and its past life connection

జ్యోతిష్య శాస్త్ర ప్రకారం, ప్రతీ 18 నెలలకు ఒకసారి శుక్రుడు వక్ర గమనంలో సంచరిస్తాడు. వక్రగతిలో సంచరించే సమయంలో శుక్రుడు రవికి అతి దగ్గరగా సంచరించడం వలన, శుక్రుడు తన బలాన్ని కోల్పోతాడు.

               శుక్రుడిని కళత్ర కారుడిగా జ్యోతిష్య శాస్త్రం సూచిస్తుంది. అదేవిధంగా, శుక్రుడు జాతకుని యొక్క వ్యక్తిగత జీవితం సంతోషంగా ఉండేందుకు, జాతకుడు తన జీవిత భాగస్వామితో సంతోషంగా ఉండేందుకు, అలాగే లక్ష్మి దేవి అనుగ్రహించే ప్రేమ, సంపాదన, సౌభాగ్యం, సంతోషం, సంతృప్తి, ఐహిక సుఖాలు అన్నిటికి కూడా శుక్రుడే కారణం అవుతాడు.

               ఒక వ్యక్తి యొక్క సుఖ భోగాలకు కారకుడు అయిన శుక్రుడు జన్మకుండలిలో వక్రగతిలో ఉన్నట్లైతే, దాని అర్థం జాతకునికి గత జన్మ కర్మ శేషం ఉన్నదని అర్థం. శుక్రుడు జాతకంలో వక్రగతిలో ఉన్నాడు అంటే, జాతకునికి ప్రేమ, వివాహం, సుఖం, ధనం, ఐహిక సంబంధాలు, అన్య స్త్రీ/పురుష సంబంధాలు, శృంగారం, రుచికరమైన ఆహారం, వంటి విషయాలలో గత జన్మ కర్మ శేషాలు ఉన్నాయాని అర్థం. ఈ వక్ర గతి శుక్రుడు వలన, జాతకులకు కలిగే ఆనందం, సంతోషం దేనిలోనూ సంతృప్తి కలుగడం లేదన్న భ్రమలో నిత్యం బ్రతుకుతూ ఉంటారు. ఈ జాతకులకు శృంగార విషయంలో తీవ్ర అసంతృప్తితో ఉంటారు. వీరితో వీరి జీవిత భాగస్వామి శృంగారపరంగా ఎంత సహకరించినప్పటికి, వీరికి ఉన్న అసంతృప్తి కారణంగా, అన్య స్త్రీ/ పురుష సంబంధాలను గత జన్మలో లాగానే ఈ జన్మలో కూడా కొనసాగిస్తారు. దీని వలన దాంపత్య జీవితంలో ఇబ్బందులు తలెత్తుతాయి. శుక్రుడు వక్రగతిలో సంచరించే సమయంలో పుట్టిన జాతకులు, గత జన్మలో జాతకులు చేసిన పొరపాటును ఈ జన్మలో చేయకుండా సరిదిద్దుకొని, తగిన పాఠం నేర్చుకోవాలి. కానీ, ఈ విషయం అర్థం చేసుకోలేని జాతకులు, మళ్ళీ గతజన్మలో లాగానే యథావిధిగా , జీవిత భాగస్వామి నెరవేర్చాల్సిన భాద్యతలో ఎటువంటి పొరపాటు లేకపోయినప్పటికి, కేవలం వీరికి కలిగే అసంతృప్తి కారణంగా వివాహేతర సంబంధాలను ఏర్పరచుకుంటారు. గత జన్మలో ఏ మోసం చేయడం వలన, ఈ జన్మలో శుక్రుడు తమ జాతకంలో వక్ర గతిలో ఉన్నాడో, జాతకుడు దాని అంతరార్థం అర్థం చేసుకోకుండా, మళ్ళీ అదే పొరపాటు చేసేందుకు ఈ జన్మలో యత్నిస్తాడు.

               శుక్రుడు వక్రగతిలో ఉన్నపుడు కుజుడులా ప్రవర్తిస్తాడు అని కూడా జ్యోతిష్య శాస్త్రం చెప్పబడింది. వక్రగతి శుక్రుడు ఉన్న  జాతకులను కోపిష్టిగా కూడా పరిగణిస్తారు. వీరికి ఆత్మవిశ్వాస లోపం ఉండటం వలన, ఆ నిరాశని, కోపాన్ని తమ ప్రియుల పై లేదా జీవిత భాగస్వామి పై చూపిస్తారు. జన్మకుండలిలో శుక్రుడు వక్రగతిలో ఉన్నట్లైతే, ఆ జాతకులకు అధికమైన భావోద్వేగాలు, ప్రేమలో విఫలం అవ్వడం, తీవ్రమైన కోపం, అర్థంగాని ఒంటరితనం వీరిని వేధిస్తాయి. వీరి పై చూపించాల్సిన ప్రేమ వీరికి దక్కడం లేదని తీవ్రమైన అసహనం కనబరుస్తారు. మనలో చాలా మంది, మనస్సు బాగోలేదన్నపుడు, ఇష్టమైన సంగీతం గాని, ప్రకృతిని గాని ఆశ్వాదించడం, మనస్సుకు నచ్చిన ఆత్మీయులతో మాట్లాడటం వంటివి చేసి, మనస్సుని తేలికపరచుకుంటాము. కానీ శుక్రుడు వక్రగతిలో ఉన్న జాతకులు ఈ విధమైన చిన్నపాటి వ్యవహారాలను కూడా ఆశ్వాదించలేరు, ఆనందించలేరు.  అనగా, చిన్నపాటి ఆనందాలను ఆశ్వాదించేందుకు కూడా వీరి మనస్సు సహకరించదు.ఈ జాతకులు ముక్కుసూటిగా మాట్లాడటం వలన, వీరిని కోపిష్టిగా, కఠినాత్ములుగా ముద్ర వేస్తారు. వీరికి ఉన్న మానసిక సంఘర్షణల గురించి ఎవరికి వ్యక్తపరచలేకపోతారు.

               గోచారంలో శుక్రుడు వక్రగతిలో సంచరించు కాలంలో, జన్మకుండలిలో శుక్రుడు వక్రంలో ఉన్న జాతకుల పై తీవ్ర ప్రభావం పడుతుంది. ఆర్థికపరంగా అన్నీ వైపులా చిక్కుకుపోతారు. ప్రేమ వ్యవహారాలలో దెబ్బ తింటారు. ఇతర ఐహిక సుఖాలు, వ్యవహారాలు అన్నీ కూడా ఇబ్బందికరంగా మారతాయి.

               జన్మకుండలిలో శుక్రుడు వక్రగతిలో ఉన్న జాతకులలో కొందరు అంతులేని ప్రేమని కూడా కురిపిస్తారు. ఎంతగా ప్రేమిస్తారో, అంతే సులభంగా వదిలేసే స్వభావం కూడా వీరిలో ఉంటుంది. ప్రేమ, శృంగారం, సంతానం, కుటుంబం, సంపాదన, డబ్బు ఇలా అన్నీ విషయాలలో వీరికంటూ ప్రత్యేకమైన ఆదర్శాలు, ఊహా భావాలు ఉంటాయి. ఈ జాతకులలో చాలా మంది అసలు ఎవరూ పట్టించుకోని ఆచారాలను, కట్టుబాట్లను కూడా పాటిస్తారు.

               ప్రేమ విఫలం అవ్వాలి అంటే, దాని కారణం జన్మకుండలిలో ఏ గ్రహం అయినా కారణం కావచ్చు. కానీ, జన్మకుండలిలో శుక్రుడు వక్రగతిలో ఉన్న జాతకులకు ప్రేమ విఫలం అయితే, దాని నుండి బయట పడేందుకు ఈ జాతకులు తీవ్రంగా ఇబ్బందులు పడతారు. కానీ, ఎట్టకేలకు బయటపడి, మళ్ళీ కొత్త ప్రేమను కూడా అంతే తొందరగా వెతుక్కుంటారు. ప్రేమ పై వీరికంటూ ప్రత్యేక అభిప్రాయాలు ఉంటాయి. వాటిని బయటకు వ్యక్తపరిస్తేనే, అవతలి వారు కూడా దానికి తగ్గట్టు వీరిని ప్రేమిస్తారు. ఈ జాతకులు ఆ విధంగా చేయకుండా, సమాజం అంతా భ్రష్టుపట్టుకు పోయింది అని సమాజం పై నిందలు వేస్తారు.

               జన్మకుండలిలో శుక్రుడు వక్రగతిలో ఉన్నవారికి, తమ జీవిత భాగస్వామితో మానసికంగా ఏకమవ్వడానికి, సంతోషంగా జీవించడానికి చాలా కష్టపడతారు. జీవిత భాగస్వామితో ఉన్న బంధుత్వాన్ని వీరి చేతులారా వీరే చెడగొట్టుకుంటారు. మళ్ళీ, ఆ బంధుత్వాన్ని నిలబెట్టుకోవడానికి అంతే తిప్పలు కూడా పడతారు. జీవిత భాగస్వామి నుండి ఎంతో ప్రేమని వీరు ఆశిస్తారు. కానీ వీరికి ప్రేమను వ్యక్తపరచడం రాకపోవడం వలన, జీవిత భాగస్వామి నుండి కూడా వీరు ప్రేమని స్వీకరించలేకపోతారు.

               గత జన్మలో జాతకులు తమ జీవిత భాగస్వామితో కాకుండా ఇతరులతో వ్యవహారాలు పెట్టుకోవడం వలన గాని లేదా జాతకులను మరియు జాతకుల యొక్క జీవిత భాగస్వామిని మధ్య ఉన్న దాంపత్య బంధాన్ని దూరం చేసేందుకు, ఇతరులు లేదా ఇతర శక్తులు తీవ్రమైన కృషి చేయడం వల్ల గాని ఈ జన్మలో శుక్రుడు వక్రగతిలో ఉన్నాడు. అందువలన వైవాహిక జీవితాన్ని లేదా ప్రేమానుబంధాన్ని ఎంత పరిపక్వతతో, ఎంత సహకారంతో, ఏ విధమైనటువంటి ప్రేమతో మెరుగుపరచుకోవాలో వీరికి తెలియదు. అందువలన ఈ జాతకులు ఈ జన్మలో తమ దాంపత్య జీవితం ఏ విధంగా ఉంటే సంతృప్తికరంగా ఉంటుందో అన్న అంశం పై శ్రద్ధ వహించాలి. శుక్రుడు వక్రగతిలో ఉన్న జాతకులు తమ జీవిత భాగస్వామిని ఎంతో జాగ్రత్తగా ఎంచుకోవాలి. అలాగే, జాతకులు ముందుగా తమ గురించి తాము లోతుగా ఆలోచించి, విశ్లేషించి, తమకు ఏమి కావాలి, తమ జీవిత భాగస్వామిని ఏ విధంగా ఆనందపరచాలి అన్న అంశాలపై దృష్టి పెట్టాలి.

               వక్రగతిలో ఉన్న శుక్రుడు యొక్క ప్రభావం తగ్గించుకోవాలంటే, ముందుగా జాతకులు తమ జీవితంలో జరిగే చిన్న పాటి సంధర్భాలను కూడా ఆనందించడం నేర్చుకోవాలి. చిన్న పాటి వినోద కార్యక్రమాలకు జాతకులు సంతోశపడేలా తమ మనస్సును మలచుకోవాలి. శృంగార విషయాలలో జాతకుడు అసంతృప్తి అనే భ్రమను తోలంగించుకొని, తమ ప్రేమను జీవిత భాగస్వామి పై వ్యక్తపరచి, సంతృప్తి చెందడం మనసుకు అర్థం అయ్యేలా చెప్పుకోవాలి. జీవిత భాగస్వామికి చిన్నపాటి బహుమానాలను ఇవ్వడం, తమలో ఉన్న ప్రేమను వ్యక్తపరచడం, మనస్ఫూర్తిగా మాట్లాడటం వంటివి మనసుకు అలవాటు చేసుకోవాలి. తద్వారా వక్రగతిలో ఉన్న శుక్రుడు యొక్క ప్రభావం జాతకుని పై తగ్గుతుంది.

               శుక్రుని యొక్క వక్రగతి స్థితి ఇచ్చే ప్రతికూల సంఘటనలను నివారించడానికి శుక్రగ్రహ వక్ర స్థితి గోచారంలో జరుగుతున్న కాలంలో లేదా శుక్ర మహాదశ, అంతర్దశలలో శుక్రగ్రహ ప్రీతికి గంధర్వ యక్షి లేదా అనురాగ యక్షి తంత్ర పూజా విధానాలను ఆచరించాలి.

జాతకుల జన్మకుండలిని విశ్లేషణ చేయుటకు గురువర్యులకు 4-7 రోజుల వ్యవధి పట్టును. గురువర్యుల నుండి తమ జాతకమును పరీశీలించదలచిన వారు క్రింద ఇవ్వబడిన ఫార్మ్ పూరించవలసి ఉంటుంది. బుక్ చేసుకున్న 4-7 రోజుల లోపు తమ జాతకచక్రంలోని యోగాలు, అవయోగాలు, ప్రధాన అంశాలను, ప్రధాన ఘట్టాలను, గ్రహ దోష అవయోగాలకు తగిన పరిహారములు తంత్ర విధానములో తెలుసుకోవచ్చును. జాతకులు తమ జాతక పరిశీలన వివరాలను తాము పొందిన తరువాత మాత్రమే తమ సందేహాలను ఫోను ద్వారా తెలిపి సందేహ విశ్లేషణను తెలుసుకొనవచ్చును. జాతక పరిశీలనలో ప్రత్యేకంగా ఏదైనా విషయం మీద క్షుణ్ణంగా పరిశీలన జరగాలి అనుకున్నవారు క్రింద ఇవ్వబడిన ఫారంలో చివరి బాక్సులో తమ సందేహాలను తెలుపవచ్చును. లేదా 9846466430 వాట్సప్ నెంబరు పై అయినా తెలియజేయవచ్చును.  గురువర్యులు మీ జాతకములను కొన్ని నిర్ణీత సమయాలలో మాత్రమే పరిశీలించుట జరుగును. ఇక్కడ గల ఫారంను క్షుణ్ణంగా పరిశీలించాక మాత్రమే సంప్రదింపులు చేయగలరని ఆశిస్తున్నాను. జాతక పరిశీలన శాంపిల్ ఎలా ఉంటుంది అనేది ఫారం కింద ఇవ్వబడిన లింకు ద్వారా చూడవచ్చు. జాతక చక్ర పరిశీలన కొరకు ఇక్కడ క్లిక్ చేయండి.

Ph: 9846466430

Related Articles: 

• మాంగల్య దోషం
• దంపతుల మధ్య విభేదాలకు కారణమయ్యే వైవాహిక దోషం
• జాతకంలోని అవయోగం వలన జైలు పాలు చేసే బంధన యోగం
• ఎన్నో సమస్యలు కలిగించే 12 రకాల కాలసర్పయోగాల వివరణ
• జన్మకుండలిలో శని వక్రగతిలో ఉన్నప్పడు జాతకుడు ఎదుర్కొనే ప్రభావాలు ఏమిటి? పూర్వ జన్మ సంబంధం ఏమిటి?
• సంపూర్ణ జన్మకుండలి పరిశీలన