జన్మకుండలిలో శని అనుకూలంగా ఉన్నాడా? ప్రతికూలంగా ఉన్నాడా?

మీకు జన్మకుండలిలో శని అనుకూలంగా ఉన్నాడా? ప్రతికూలంగా ఉన్నాడా?

జన్మకుండలిలో శని అతి ముఖ్యమైన పాత్ర పోషిస్తాడు. మానవులు గత జన్మ కర్మ ఫలితములను ఇహ జన్మలో అనుభవించుటకు శని అతి ముఖ్యమైన పాత్ర పోషిస్తాడు. చెడు కర్మలు అయినా, మంచి కర్మలు అయినా, వాటి ఫలితములను జాతకుడు అనుభవించేలా చేయుటకు శని సహకరిస్తాడు. మానవులు చేసుకున్న కర్మల యొక్క ఫలితాల పై, ఉద్యోగులతో ఉన్న సత్సంబంధాల పై, పనిమనుషులపై, పెంపుడు జంతువులపై, ధీర్ఘకాలిక వ్యాధుల పై, పేరు ప్రతిష్టల పై, పనులలో జరిగే జాప్యాల పై, శని ఆధిపత్యం వహిస్తాడు. ఒక రాశి నుండి మరొక రాశిలోకి ప్రవేశించడానికి శనికి రెండున్నర సంవత్సరముల సమయం పడుతుంది. ప్రతీ సంవత్సరం దాదాపు అయిదు నెలల పాటు వక్రగతిలో సంచరిస్తాడు. జన్మకుండలిలో శని వక్రగతిలో ఉండినట్లైతే, ఏ విధమైన ఫలితములు జాతకుడు ఎదుర్కొంటాడో ఇక్కడ క్లిక్ చేసి తెలుసుకోగలరు.

జన్మకుండలిలో శని అనుకూలంగా ఉంటే ఏ విధమైన ఫలితాలు వస్తాయి? జన్మకుండలిలో శని ప్రతికూలంగా ఉంటే ఏ విధమైన ఫలితాలు జాతకుడు ఎదుర్కొంటాడు? ఈ అంశాలు ఇక్కడ మీకు వివరిస్తాను. సాధరణంగా, వృషభ, కన్య, తుల, మకర, కుంభ లగ్నములో జన్మించిన జాతకులకు శని అనుకూలంగా ఉంటాడని కూడా చెప్పబడింది. కానీ జన్మకుండలిలో శని యొక్క స్థానమును బట్టి కూడా వ్యక్తిగతంగా ఫలితములు మారవచ్చు. నిష్ణాతులైన జ్యోతిష్యుల ద్వారా ఈ ఫలితాల నిర్ణయం చేసుకోవాలి. జ్యోతిష్య భూషణ Dr. C.V.S.చక్రపాణి, Ph.D (Medical astrology) గారి చేత సంపూర్ణ జన్మకుండలి పరిశీలన చేసుకొనుటకు ఇక్కడ క్లిక్ చేయండి.

జన్మకుండలిలో శని అనుకూలంగా ఉంటే ఏర్పడే ఫలితాలు:

జన్మకుండలిలో శని అనుకూలంగా ఉన్న జాతకులు జీవితంలో కేవలం కొన్ని అంశాల మీద మాత్రమే శ్రద్ద పెడతారు. ఆ అంశాలే వీరికి విజయాలు తెచ్చిపెట్టి, సమాజానికి ఎంతో ఉపయోగపడతాయి.
శని అనుకూలంగా ఉన్న జాతకులలో చాలా వరకు మంచి పరిశోధకులుగానూ, నాయకులుగా, విప్లవకారులుగా ఉంటారు. సమాజం కోసం కుటుంబం గురించి, డబ్బు గురించి, తమ గురించి కూడా శ్రద్ద వహించరు.
జన్మకుండలిలో శని అనుకూలంగా ఉంటే, ఆ జాతకుల చుట్టూ ఉన్న వారందరూ కూడా జాతకుల కోసం ఏమైనా చేసేందుకు సిద్ధంగా ఉంటారు.
ఈ జాతకులకు లంచం తీసుకోవడం ఇష్టం ఉండదు. అన్యాయాన్ని సహించలేరు. అవకాశ వాదులకు దూరంగా ఉంటారు. ఆత్మ విశ్వాసం ఎక్కువగా ఉంటుంది. కష్టపడి పని చేస్తేనే విజయం వరిస్తుంది అని నమ్ముతారు. దీని వలన ఈ జాతకులకు పొగరు ఎక్కువ అన్నట్టుగా ఇతరులు భావిస్తారు.
జీవిత భాగస్వామితో వీరికి ఉన్న అనుబంధం స్నేహపూర్వకంగా ఉంటుంది. కానీ తండ్రితో వీరికి సత్సంబంధాలు ఉండవు. లేదా కొందరికి తండ్రి చిన్న వయస్సులోనే గతించడం జరుగుతుంది.
శని అనుకూలంగా ఉన్న జాతకులు కులం, మతం అన్న భేదం లేకుండా ఇతరులను గౌరవిస్తారు. జంతువుల పట్ల, పక్షుల పట్ల ఎంతో ప్రేమను కలిగి ఉంటారు.
జన్మకుండలిలో శని అనుకూలంగా ఉండే జాతకులు ఏ రంగంలో అడుగు పెట్టినా సరే ఎంతో ఉన్నతమైన స్థానాన్ని సంపాదించుకుంటారు. వీరి క్రమశిక్షణతో కూడిన జీవశైలిని, దయా హృదయమును గుర్తుంచి, ఎంతో మందికి స్పూర్తిదాయకంగా నిలబడతారు.
శని అనుకూలంగా ఉన్న జాతకులు తమ స్నేహితులు, బంధువులు, ఆత్మీయులు ఏ విధమైన కష్టాలలో ఉన్న సరే, వారిని ఆదుకోవడానికి వీరు ముందుంటారు.
జన్మకుండలిలో శని అనుకూలంగా ఉన్న జాతకులకు జ్ఞాపక శక్తి చాలా బాగుంటుంది. ఏ సంఘటన గురించి అడిగినా సరే, సమయం, స్థలంతో సహా ఇట్టే చెప్పేయగల జ్ఞాపక శక్తి వీరికి శనిభగవానుడు ప్రసాదిస్తాడు.

జన్మకుండలిలో శని ప్రతికూలంగా ఉంటే ఏర్పడే ఫలితాలు:

జన్మకుండలిలో శని ప్రతికూలంగా ఉంటే, ఆ జాతకులకు ఆరోగ్యం తరచూ సమస్యలు రావడం, జీవిత కాలం పాటు మోకాళ్ళ నొప్పులు ఉండటం జరుగుతుంది.
ఎన్నో సంవత్సరాల పాటు వీరిలో ఉన్న నైపుణ్యాలు తొక్కి పెట్టి ఉంటాయి. మధ్య వయస్సు లేదా వృద్ధాప్యంలో వీరి నైపుణ్యాలు బయట పడి ప్రసిద్ధికెక్కుతారు.
శని ప్రతికూలంగా ఉన్న జాతకులకు ఉన్న స్నేహితులు, బంధువులు అందరూ కూడా చాలా వారకు వీరిని వాడుకోవడానికే చూస్తారు గాని వీరికి మాత్రం తిరిగి సహాయం చేయరు.
రియల్ ఎస్టేటు వ్యాపారాలలో తీవ్ర నష్టాలు చూస్తారు. ఈ జాతకులు ఒక్కసారి భూమి అమ్మివేశారంటే, ఆ భూమి యొక్క విలువ అధిక రేట్లు పెరుగుతుంది.
జన్మకుండలిలో శని ప్రతికూలంగా ఉన్న జాతకులలో కొందరికి ఎక్కువ మంది ప్రజలను తమ వైపుకు ఆకర్షించుకునే ప్రత్యేకమైన వ్యక్తిత్వం కలిగి ఉంటారు. వీరికి అసాధారణమైన ప్రతిభ ఉంటుంది. ఏ విధమైన పరిస్థితులకు అయినా సరే, దానికి తగ్గ సలహాలు ఇచ్చు సామర్థ్యం వీరికి ఉంటుంది. ముఖ్యంగా, చాలా కష్టమైన సమయాల్లో ఎంతో ఆత్మవిశ్వాసమును వ్యవహరిస్తూ, సమస్యలను సమర్థవంతంగా పరిష్కరిస్తారు.
జన్మకుండలిలో శని ప్రతికూలంగా ఉన్న జాతకులు అందరితో కలసి ఏదైనా పనిలో విజయాన్ని సాధించినప్పటికి, వీరికి రావాల్సిన వాటా గాని, గుర్తింపు గాని వీరికి లభించదు.
శని ప్రతికూలంగా ఉన్న జాతకుల చుట్టూ ఉన్న ప్రజలు అందరూ కూడా వీరి పై ద్వేషంతోనూ, పగతోనూ ఉన్న వారై ఉంటారు.
శని ప్రతికూలంగా ఉంటే, ఆ జాతకులను క్రిందకు నెట్టివేయుటకు ఎవరో ఒకరు తీవ్ర ప్రయత్నం అయితే చేస్తూ ఉంటారు.
జన్మకుండలిలో శని ప్రతికూలంగా ఉంటే, తల్లిదండ్రులతో సత్సంబంధాలు ఉండవు. కానీ వీరికి అందరినీ క్షమించి, కలుపుకొని పోయే మంచి హృదయము, గుణము ఉంటుంది. అందరినీ క్షమించినప్పటికి, కొంతమంది శతృవులను మాత్రం ఇట్టే గుర్తుంచుకొని, వారిని దెబ్బగొట్టడానికి ఎన్నో సంవత్సరాల పాటు, సరైన సమయం కోసం ఎదురు చూస్తారు.
ఈ జాతకులు తాము పగలు కంటే రాత్రి పూట ఎక్కువ కష్టపడి పని చేస్తారు. ఎంత కష్టపడి పని చేసినా సరే, జీవిత భాగస్వామి గాని, పిల్లలు గాని తమ ప్రేమను అర్థం చేసుకోలేరు.
శని ప్రతికూలంగా ఉన్న జాతకులు తమ జీవితంలో చాలా సమయం అనవసరమైన సమస్యల పైన, ఇతరుల అసూయ క్రానంగా, వృత్తి లేదా ఆఫీసులో ఒత్తిడి వలన, సంబంధంలేని సమస్యల వలన చాలా సమయం, శక్తి వృధా అవుతుంది.
ఈ జాతకులు ఎన్ని కష్టాలు ఎదుర్కున్నప్పటికి, జీవితంలో రెండవ భాగంలో గొప్ప విజయాన్ని, ఆర్థిక అభివృద్ధిని, నైపుణ్యానికి తగ్గ గుర్తింపుని సాధిస్తారు.

జన్మకుండలిలో 12వ భావంలో విష యోగం ఏర్పడినపుడు, జాతకుడు అనవసర ఖర్చులు, నష్టాలు, కోర్టు విబేధాలు ఎదుర్కొంటాడు. వివాహానికి సంబంధించిన అన్నీ విషయాలలో సమస్యలు ఎదుర్కొంటాడు.

జాతకుల జన్మకుండలిని విశ్లేషణ చేయుటకు గురువర్యులకు 4-7 రోజుల వ్యవధి పట్టును. గురువర్యుల నుండి తమ జాతకమును పరీశీలించదలచిన వారు క్రింద ఇవ్వబడిన ఫార్మ్ పూరించవలసి ఉంటుంది లేదా 9951779444 Brahma Tantra Astro Services నెంబరుకు Phonepe/Gpay/Paytm ద్వారా 2000/- జమ చేసి, మీ పేరు, పుట్టిన తేదీ, సమయం, స్థలం వివరాలను మాకు whatsapp చేయగలరు. బుక్ చేసుకున్న 4-7 రోజుల లోపు తమ జాతకచక్రంలోని యోగాలు, అవయోగాలు, ప్రధాన అంశాలను, ప్రధాన ఘట్టాలను, గ్రహ దోష అవయోగాలకు తగిన పరిహారములు తంత్ర విధానములో తెలుసుకోవచ్చును. జాతకులు తమ జాతక పరిశీలన వివరాలను తాము పొందిన తరువాత మాత్రమే తమ సందేహాలను ఫోను ద్వారా తెలిపి సందేహ విశ్లేషణను తెలుసుకొనవచ్చును.