మన జీవితంలో కొన్నిసార్లు నిరంతరంగా అనారోగ్య సమస్యలు వెంటాడుతూ ఉండటం, కారణం లేకుండా దంపతుల మధ్య విభేధాలు ఏర్పడి ఇంట్లో మనఃశాంతి లోపించడం, దక్కాల్సిన ప్రమోషన్లు చేతిదాకా వచ్చి ఊహించని కారణం చేత దక్కకపోవడం, లాభాలు వస్తాయని తలచిన వ్యాపారంలో నష్టాలు చూస్తుండటం, ఈ విధంగా అనుకోని సంఘటనలు మనము చూస్తూనే ఉంటాము. అయితే ఇలా ఎందుకు హరుగుతున్నాయి, వీటికి గల కారణం ఏమిటి అనేది, జ్యోతిష్య పరిశీలన ద్వారా, వ్యక్తిగత జన్మకుండలి పరిశీలన ద్వారా, ఏ గ్రహ స్థితుల వలన, ఏ దోషాల వలన ఈ విధమైన సంఘ్తనాలు ఎదుర్కొంటున్నారో అవగతం అవుతుంది. ఈ విధమైన దుష్ఫలితాలను కలుజేసే దోషాలలో నాగ దోషం, సర్ప శాపం, కాలసర్ప దోషం కూడా ఉన్నాయి.
వేద జ్యోతిష్య శాస్త్రంలో పరిహార భాగంలో, నాగ దోషం, సర్ప శాపం, కాలసర్ప దోషం వంటి దోషాల యొక్క నిర్మూలనకు, నివారణ కొరకు, ఆశ్లేష బలి ప్రక్రియ జరిపించిన దోష నివారణ జరుగుతుందని తెలియజేయడం జరిగింది.
ఆశ్లేష బలి అనగా, జన్మకుండలిలో సర్ప శాపం, నాగ దోషం, కాలసర్ప దోషములను కలిగించే సర్ప గ్రహములను, సర్ప దేవతలను సంతృప్తి పరచి, వారి అనుగ్రహం పొంది, జీవితంలో ఎదురయ్యే ఎన్నో దుర్ఘటనల నుండి ఉపశమనం పొందేలా చేసే ఒక శక్తివంతమైన పూజా కార్యక్రమం.
జాతకంలో ఏ విధమైన గ్రహస్థితులు ఉన్నప్పుడూ జాతకులకు సర్ప శాపం, నాగ దోషం, కాలసర్ప దోషం ఉన్నట్టు గుర్తించాలో ఇక్కడ లింకులను క్లిక్ చేసి సంపూర్ణంగా తెలుసుకోగలరు.
ఈ దోషాల వలన ఆరోగ్య పరంగా, వివాహం పరంగా, వైవాహిక జీవితం పరంగా, సంతానం పరంగా నిరంతర సమస్యలు తలెత్తుతాయి. నిష్ణాతులు అయిన జ్యోతిష్య పండితుల చేత జాతక పరిశీలన చేయించుకొని, వ్యక్తిగత జాతకంలో సర్ప శాపం, నాగ దోషం, కాలసర్ప దోషం వంటి దోషములు ఉన్నాయో లేదో పరిశీలించుకోవాలి. ఈ దోషములు వ్యక్తిగత జాతకంలో ఉన్నట్లైతే, ఆ జ్యోతిష్య పండితుని సలహా మేరకు “ఆశ్లేష బలి” పూజా కార్యక్రమమును జరిపించుకోవాలి.
ఈ ఆశ్లేషబలి పూజా కార్యక్రమంలో జాతకుడు నాగ దేవతల యొక్క అనుగ్రహమును, సుబ్రహ్మణ్యేశ్వర స్వామి యొక్క అనుగ్రహమును పొందేలా కొన్ని ప్రత్యేకమైన ప్రక్రియలు నిర్వహిస్తారు. 84 నాగ దేవతలకు పిండ ప్రధానమును, తర్పణమును ఆచరిస్తారు. ఈ ఆశ్లేషబలి పూజా ప్రక్రియను ఆంధ్రప్రదేశ్ రాష్ట్రంలోని, చిత్తూరు జిల్లాలోని అరణ్యమలై నందు మలాయల భగవతి శ్రీ నాగరాజ నాగాయక్షి పీఠము నందు కేరళ నంబూద్రీలు, నాగ వంశీకుల ఆధ్వర్యంలో శక్తివంతంగా, దిగ్విజయంగా జరిపించడం జరుగుతోంది. ఈ వీడీయో వీక్షించి మరిన్ని వివరాలు తెలుసుకోగలరు.
Related Articles:
- సంపూర్ణ జన్మకుండలి పరిశీలన వివరములు
- ఏ భావంలో అంగారక యోగం ఏర్పడితే ఎటువంటి ఫలితాలు కలుగుతాయి?
- జీవితంలో అభివృద్ధికి ఆటంకం కలిగించే గురు చండాల యోగం
- మాంగల్య దోషం
- తీవ్రమైన సమస్యలకు గురి చేసే పితృ శాపం వివరాలు.
- ఎన్నో సమస్యలు కలిగించే 12 రకాల కాలసర్పయోగాల వివరణ