కుజ దోషం-Kuja Dosham

కుజ దోషం

జన్మకుండలిలోని గ్రహాల స్థితులను బట్టి ఎన్నో దోషాలను గుర్తించే పద్ధతి జ్యోతిష్య శాస్త్రంలో తెలియజేయబడింది. ఈ దోషాల వలన జాతకుని జీవితంలో ఎన్నో సవాళ్లు, అడ్డంకులు, కష్టాలు, బాధలు, సమస్యలు ఎదుర్కోవాల్సి వస్తుంది. అలాంటి దోషాల్లో ఒకటైన కుజ దోషము గురించి ఇక్కడ తెలియజేయబోతున్నాను. జ్యోతిష్య శాస్త్ర ప్రకారం, జన్మకుండలిలో లగ్నం నుండి 1,2,4,7,8 లేదా 12 వ స్థానంలో కుజుడు ఉన్నట్లైతే, ఆ జాతకులకు కుజ దోషం ఉంటుంది అని చెప్పవచ్చు. కుజ దోషం అనేది జాతకుల యొక్క వైవాహిక జీవితం పై అధిక ప్రభావం చూపుతుంది. కుజ దోషం ఉన్న జాతకులకు కొందరికి వివాహం ఆలస్యం అవ్వడం, వివాహం అయిన వారి వైవాహిక జీవితంలో తీవ్ర అసంతృప్తి, ఇబ్బందులు, గొడవలు, చికాకులు కలుగుతూ జీవితం ఒక సవాలుగా మారుతుంది. కుజ దోషం ఉన్న వారు, తమ జీవిత భాగస్వామి యొక్క తీవ్ర ప్రవర్తనను తట్టుకోలేక విడిపోవడం కొందరికి కూడా జరుగుతుంది.

కుజ దోషం ఉన్నవారి లక్షణాలు:

కుజుడు అగ్ని తత్వం గల రాశి. కుజ దోషం ఉన్న జాతకులు కూడా ఆవేశపూరితంగా ఉంటారు. ఇది వీరికి ఎంతో ప్రతికూలతను తెచ్చిపెడుతుంది.
కుజదోషం ఉన్న వ్యక్తులకు తొందరపాటు తనం కూడా ఎక్కువగా ఉంటుంది. దీని వలన స్వల్ప కారణాలకు కూడా కోపం తెచ్చుకునే మనస్తత్వం కలిగి ఉంటారు. ఇందు కరణంగానే వైవాహిక జీవితంలో కూడా సర్దుబాటు ధోరణిని కలిగి ఉండరు. ఫలితంగా, జీవిత భాగస్వామితో విభేధాలు ఎదురవుతాయి.
కుజ దోషం ఉన్న వారి ఆవేశాన్ని, కోపాన్ని, తొందర పాటుని తట్టుకోలేని జీవిత భాగస్వామి, జాతకులతో విదాకౌల వరకు వెళ్ళే అవకాశాలు కలుగుతాయి.
పోటీ తత్వము వీరికి ఎక్కువగా ఉంటుంది. ఇది ఆరోగ్యకరమైన పోటీ తత్వమి అయినంత వరకు సజావుగానే సాగుతుంది. కానీ కుజుని యొక్క ప్రతికూల శక్తి వలన కుజ దోషం ఉన్న జాతకులకు పోటీ తత్వం అనేది తీవ్రంగా మారి, వ్యక్తిగత మరియు వృత్తిపరమైన సంబంధాలు అనేవి ప్రతికూలంగా మారతాయి.
కుజ దోషం ఉన్న జాతకులకు అసహనం, శీఘ్ర కోపం ఎక్కువగా ఉంటాయి. కుజ దోష ప్రభావం ఉన్న జాతకులు తమ కోపాన్ని అదుపులో ఉంచుకోవడం అనేది ఎంతో కష్టం అవుతుంది. ముఖ్యంగా ఒత్తిడిని కలిగించే సంధర్భాలలో వీరి కోపాన్ని వీరు అదుపు చేసుకోలేరు.

జన్మకుండలిలో కుజుడు ఒక్కో స్థానంలో ఒక్కో ఫలితాన్ని, ఒక్కో విధమైన దోషాన్ని కలుగజేస్తాడు. అవి ఏ విధంగా ఉంటాయో ఇక్కడ వివరిస్తున్నాను.

లగ్నం:

కుజుడు లగ్నంలో ఉన్న జాతకులకు కుజ దోషం ఉంటుంది. వీరికి తమ జీవిత భాగస్వామితో తీవ్ర సమస్యలు ఎదురవుతాయి. కుజుడు లగ్నంలో ఉన్నవారు, తమ జీవిత భాగస్వామిని హింసించడం, శారీరకంగా బాధించడం జరుగుతుంది.

రెండవ స్థానం:

కుజుడు రెండవ స్థానంలో ఉన్న జాతకులకు కుజ దోషం ఉంటుంది. ఈ జాతకులకు కుజ దోషం వలన వ్యక్తిగత మరియు వృత్తిపరమైన జీవితం పై ప్రభావం చూపుతుంది. కుటుంబంలో వీరు ప్రదర్శించే మాట తీరు వలన తీవ్రమైన గొడవలు జరుగు అవకాశములు ఉంటాయి.

నాలుగవ స్థానం:

జన్మకుండలిలో 4వ స్థానంలో కుజుడు ఉన్న జాతకులకు కుజ దోషం ఏర్పడుతుంది. 4వ స్థానంలో ఉన్న కుజ స్థితి వలన, జాతకులు తాము చేసే వృత్తి లేదా ఉద్యోగం తరచూ మారుతూ ఉంటారు. వృత్తిపరమైన స్థిరత్వం ఉండదు. కుటుంబంతో వీరికి ఉన్న మానసిక బాంధవ్యంలో అస్థిరత ఏర్పడుతుంది. ఆర్థిక పరిస్థితి కూడా అంతంత మాత్రగానే ఉంటుంది.

సప్తమ స్థానం:

సప్తమ స్థానం వివాహాన్ని సూచిస్తుంది. వైవాహిక స్థానంలో కుజుడు ఉన్న జాతకులకు సంపూర్ణ కుజ దోషం ఉంటుంది. వైవాహిక జీవితంలో తగాదాలు, చికాకులు నిరంతరంగా ఉంటాయి. జీవిత భాగస్వామితో శృంగార జీవితం వీరికి సంతృప్తి కలిగించక, వివాహేతర సంబంధాలు ఏర్పరచుకుంటారు. వీరికి ఉన్న తీవ్రమైన ఆవేశం, తొందర పాటు నిర్ణయాల వలన వీరి జీవిత భాగస్వామితో తీవ్రమైన విభేధాలు ఏర్పరచుకుంటారు.

అష్టమ స్థానం:

జన్మకుండలిలో కుజుడు అష్టమ స్థానంలో ఉన్న జాతకులకు కుజ దోషం ఏర్పడుతుంది. అష్టమంలో కుజుడు ఉన్న జాతకులు సోమరితనం, లెక్కలేని తనం, దురుసు స్వభావం కలిగి ఉంటారు. వీరికి వీరి కుటుంబంతో సత్సంబంధాలు ఉండవు. ఈ అష్టమ కుజ స్థితి వలన జాతకుల యొక్క వైవాహిక జీవితంలో తరచూ పెను మార్పులు సంభవిస్తూ ఉంటాయి.

ద్వాదశ స్థానం:

జన్మకుండలిలో కుజుడు ద్వాదశ స్థానంలో ఉన్న జాతకులకు కుజ దోషం ఉంటుంది. ద్వాదశ స్థానం అనగా వ్యయ స్థానం. ఈ కుజ స్థితి వలన అనేకమైన నష్టాలు, అనవసర ఖర్చులు అనుకోకుండా ఏర్పడతాయి. వీరిని ఒంటరితనం వేధిస్తూ ఉంటుంది. వీరికి ఆర్థిక పరమైన కష్టాలు, ఒంటరితనాన్ని పోరాడే సవాళ్ళు ఎక్కువగా ఉంటాయి. మానసికమైన సమస్యలు, ఆందోళనలు అధికంగా ఉంటాయి. వీరి చుట్టూ శత్రువులు పొంచి ఉంటారు.

ముఖ్య గమనిక: కుజుడు 1,2,7,8, లేదా 12 స్థానాల్లో ఉన్నపుడు మాత్రమే కుజ దోషం ఏర్పడదు. కుజుడు కొన్ని గ్రహాలతో, కొన్ని రాశులలో, కొన్ని గ్రహ దృష్టులతో కలసినపుడు కూడా కుజ దోషం ఏర్పడుతుంది. మరి మీకు అసలైన కుజ దోష నిర్ధారణ జరిగింది అనుకుంటున్నారా?

వైవాహిక జీవితం పై కుజ దోష ప్రభావం ఏ విధంగా ఉంటుంది?

జన్మకుండలిలో కుజుడు సప్తమ స్థానం పై ప్రతికూల ప్రభావం చూపినపుడు, దంపతుల మధ్య తీవ్రమైన గొడవలు, వివాదాలు, వాదనలు చోటుచేసుకుంటాయి. కుజుడికి దూకుడు స్వభావం ఉంటుంది, ఆ లక్షనాలే జాతకుడికి ఆవహించి దాంపత్య జీవితాన్ని భారంగా చేసుకుంటాడు. దీని వలన దంపతులు కలసి ఉండటం అనేది అసాధ్యం అవుతుంది.
జన్మకుండలిలో కుజుడి యొక్క ప్రతికూల ప్రభావం తీవ్రంగా ఉన్నపుడు, వైవాహిక జీవితంలో కేవలం మాట భేదాలు మాత్రమే కాకుండా శరీరకంగా, మానసికంగా, మాటల ద్వారా ఇలా ఎన్నో రకాలుగా ఘర్షణలకు దారి తీస్తుంది. ఆవేశం, దురుసు స్వభావం వంటి తీవ్ర స్వభావాల వలన దాంపత్య జీవితంలో ప్రేమ మరియు ప్రశాంతత అనేది లోపిస్తుంది. దంపతులు కలసి ఉండటం కష్టతరం అవుతుంది.
జన్మకుండలిలో కుజుని ప్రతికూల శక్తి జాతకుల పై ఉన్నపుడు, జాతకుడు గాని లేదా జాతకుని జీవిత భాగస్వామి గాని లేదా దంపతులు ఇద్దరి వల్ల కూడా దాంపత్య జీవితంలో సమస్యలు వస్తాయి. తొందర పాటు నిర్ణయాలు, దురుసు ప్రవర్తన, ఆలోచనలేని తక్షణ చర్యల వలన దాంపత్య జీవితం అల్లకల్లోలం అవుతుంది. వీటి వలన దాంపత్య జీవితంలో సామరస్యత లోపించి, దాంపత్య బంధంలో స్థిరత్వాన్ని భంగం చేస్తుంది.
కుజుని తీవ్ర ప్రభావం వలన దంపతుల మధ్య పరిష్కరించలేని విభేధాలు, సమస్యలు తలెత్తి, వారు విడిపోయెందుకు దారి తీస్తుంది. ఇద్దరి మధ్య సఖ్యత ఏర్పడక, కలసి ఉండలేక, విడిపోయి తీరాలి అనే భావనా దంపతులలో కలుగుతుంది.
కుజుని తీవ్ర ప్రభావం ఉన్నపుడు, కేవలం వైవాహిక జీవితంలో సమస్యలు రావడమే కాదు, వివాహం జరిగేందుకు కూడా సమస్యలు తలెత్తుతాయి. కుదిరిన సంబంధాలు పదే పదే చివరి నిమిషంలో భగ్నం కావడం జరుగుతుంది. కొన్ని దారుణమైన సంధర్భాలలో, తాళి కట్టే సమయంలో కూడా ఏదో ఒక అవాంతరం ఏర్పడి పెళ్ళి ఆగిపోవడం కూడా జరుగుతుంది.

జన్మకుండలిలో కుజ దోషమును ఏ విధంగా గుర్తించాలి?

వ్యక్తుల జన్మకుండలిలో కుజుడు 1,4,7,8,12 స్థానాలలో ఉన్నట్లైతే, కుజ దోషంగా చెప్పబడుతుంది. కానీ, ఇది కొందరి వ్యక్తుల (పూర్వపు జ్యోతిష్య సిద్ధాంతులు, ఉదా: కళ్యాణ వర్మ, పాణి) అభిప్రాయము మాత్రమే. అయితే, ఈ స్థానాలలో కుజుడు ఉన్నపుడు మాత్రమే కుజ దోషం ఏర్పడుతుంది అని ఖచ్చితంగా జ్యోతిష్య శాస్త్రములో ఏ విభాగములో చెప్పబడలేదు. ఎందుకనగా గ్రహాలు కొన్ని విషమ స్థానాలైన 6, 8, 12 స్థానాలలో సాధరణంగా అశుభ ఫలితాలను ఇచ్చే విధంగా ఉంటారు. అయితే, స్థానాన్ని మాత్రమే నిర్ణయించి అశుభ ఫలితాలను ఖచ్చితంగా తెలుసుకోవడం సాధ్యపడదు. ఎందుకంటే గ్రహాలు నైసర్గిక పాపులుగానూ, తాత్కాలిక మిత్రులు, శత్రువులుగా, ఇతర గ్రహ సంగమం వలన వారి యొక్క ప్రభావాన్ని చూపిస్తారు. కనుక జన్మకుండలి పరిశీలనలో కుజుని యొక్క ఇతర గ్రహాల సంగమ స్థితిని పరిశీలించి మాత్రమే కుజ దోషమును నిర్ణయించవలెను. కుజ దోషము వైవాహిక జీవితము మీద చూపెడి దుష్ప్రభావాన్ని జ్యోతిష్య శాస్త్రంలో 9 రకాలుగా వర్గీకరించడం జరిగింది. అయితే, ఇక్కడ ప్రస్తావన అంశము, వైవాహిక జీవితానికి సంబంధించినది కాబట్టి, వైవాహిక జీవితం వల్ల ఏర్పడే సుఖ దుఃఖాలు, శృంగార జీవితము (దాంపత్య జీవితము), దాంపత్య జీవనము వలన ఏర్పడే సంతానాంశములు మొదలగు ఈ అంశాలు ప్రాప్తించడానికి, వాటికి అవయోగాలు కలుగడానికి, అనుకూల, ప్రతికూల ఫలితాలు, సంఘటనలు ఏర్పడటానికి వివిధ స్థానాలలో గల కుజ గ్రహంతో ఇతర గ్రహాల సంగమం వలన జరుగును. ఈ అంశాలలో ప్రతికూలమైన ఫలితాలు ప్రాప్తించడానికి గల కారణభూతమైన కుజ గ్రహంతో ఇతర గ్రహముల సంగమ వివరణలు:

సప్తమ స్థానము (వైవాహిక స్థానము) – అష్టమ స్థానము (మాంగల్య స్థానము, ఆయుః స్థానము)

కుజ+శని:

కుజ శనులు కలసి ఏ రాశిలో ఉన్ననూ, దాంపత్య ఘర్షణ యోగం కలుగుతుంది. ఈ యోగం ఉన్నవారికి దాంపత్య జీవితంలో నిరంతరం ఘర్షణలు ఉండును. దీనిని శని కుజ సాంగత్య దాంపత్య పీడా దోషం అని జ్యోతిష్య శాస్త్రంలో చెప్పడం జరిగింది.

కుజ+ శుక్రుడు:

7వ స్థానంలో కుజుడు శుక్రుడితో కలసి ఉంటే, వీరికి వివాహానంతరం అక్రమ సంబంధాలు ఏర్పడతాయి.

కుజ+రాహువు:

సప్తమ స్థానంలో కుజుడు, రాహువు కలసి ఉంటే, జాతకులకు సత్కళత్రము లభించదు. వివాహము భగ్నము అవుతుంది. వివాహ సమయంలో వారి యొక్క పూర్వపు స్నేహితుల ప్రణయ వ్యవహారములు బయటకు పొక్కి వివాహము ఆగిపోవును. ఈ విధంగా అనేక పర్యాయాలు జరిగి, ఆలస్య వివాహానికి దారి తీయును. జరిగిన ఆలస్య వివాహము కుజ రాహు సంగమ శీల దోషమును కలిగించి, నీచ స్థాయి వివాహమునకు కారణమగును. ధనస్సులో కుజ రాహువుల సంగమం కుజ దోషమును కలిగిస్తుంది. కుంభమునందు కుజ రాహువులు, కుజ శుక్రులు వైవాహిక కుజ దోషాన్ని కలుగజేస్తుంది.

ముఖ్య గమనిక: వ్యక్తిగత జన్మకుండలి పరిశీలనలో కుజుడు ఇతర గ్రహముల సంగమ స్థితిని పరిశీలించి కుజ దోషమును నిర్ధారణ చేసుకొనవలెను.

Related Articles:

Ph: 9846466430

నాగ శక్తుల గురించి, సర్ప సంబంధ గ్రహాల పూర్తి వివరణ కొరకు, సర్ప మంత్రముల కొరకు నేను రచించిన “నాగ శక్తి” అనే పుస్తకం ద్వారా తెలుసుకోవచ్చు. ఈ గ్రంధం కావాల్సిన వారు Amazon ద్వారా ఇక్కడ క్లిక్ చేసి కొనవచ్చు.

#astrology #zodiac #horoscope #zodiacsigns #tarot #love #astrologer #virgo #leo #scorpio #homam #rituals #sacredfire #priest #devotion #spirituality #divineblessings #hinduism #vedicrituals #auspicious#kalasarpa dosha#pitru dosha#jathakam#jatakam#telugu

కేరళ తాంత్రిక పరిహారాదులు

By chakrapani 0 Comments

కేరళ తాంత్రిక పరిహారాదులు

వ్యక్తుల గ్రహదోష నిర్మూలనకు చేసే పూజలు, హోమాదులలో కేరళ తాంత్రిక విధానంలో చేసే తంత్ర పరిహారాది హోమాలు కొంచెం విభిన్నంగా ఉంటాయి. ఇతర విధానాలలో మంత్రానుష్టానముతో మాత్రమే ఉపయోగించడం జరుగుతుంది. (కేరళ తంత్ర విధానాలు) మినహా, మంత్రానుష్టాన విధానములో మాత్రమే చేసేడి హోమాదులు ఫలితములు ఇవ్వడానికి ఎక్కువ కాలం పడుతుంది. కేరళ తంత్ర విధానంలో చేసే హోమ విధానాలలో ఉపయోగించే ముద్రలతో మరియు ముద్రా సహిత మంత్రానుష్టాన అభిచార హోమాదులు జాతకులకు శీఘ్ర ఫలితాలను ప్రాప్తిస్తాయి. ప్రస్తుత కాలంలో వ్యక్తులు శీఘ్ర ఫలితాలను, ఖచ్చితమైన ఫలితాలను కోరుకోవడం కారణంగా కేరళ తంత్ర విధానాన్ని మేము అనుసరిస్తున్నాము. జన్మకుండలిలో అపమృత్యుదోషం, ఆయుఃక్షీణ దోష నివృత్తికి- మహా మృత్యుంజయ హోమాన్ని నిర్వహిస్తాము. వివాహంకాని వారికి లేదా బ్రహ్మచారులకు మృత్యుగండములు తొలగించుటకు ‘యమవిధి బలి’ అను కేరళ తాంత్రిక పరిహారమును నిర్వహిస్తాము. కొన్ని దోషాల నివృత్తికి వ్యక్తులకు పరోక్షముగా హోమాది కేరళ తాంత్రిక పరిహారములు నిర్వహిస్తాము. వ్యక్తుల యొక్క జన్మ లగ్నము, జన్మ రాశి, జన్మ నక్షత్రము, పేరు, స్వగోత్రము, మాతృ గోత్రములను, జాతకుని యొక్క ఫోటోని, వారు సమర్పించిన వస్త్రమును సేకరించి జాతకునికి పరోక్షముగా 5 రోజులు, 9 రోజులు, 11 రోజులు, 15 రోజులు, 18 రోజులు, 21 రోజుల పాటు ఈ తాంత్రిక పరిహారాదులు నిర్వహించుట జరుగుతుంది. ఎలాంటి సంధర్భములోను వ్యక్తుల గ్రహ దోష నిర్మూలనకు చేసే వ్యక్తిగల హోమాదులు సామూహికంగా చేయుట నిషిద్ధం. అందుచేత వారికి మాత్రమే, వారి గురించి మాత్రమే వ్యక్తిగతముగా కేరళ తంత్ర విధానాల ద్వారా హోమాదులు నిర్వహిస్తారు. విషతుల్య యోగం గలవారికి, దాని నిర్మూలనకు తంత్ర భైరవ హోమాన్ని 21 రోజులు నిర్వహించడం జరుగును. తల్లీబిడ్డలకు అనగా బాలింతకు, తనకు కలిగిన సంతానముకు విషతుల్య యోగం ఏర్పడినపుడు ఆ మాతృమూర్తికి ప్రాణగండములు , అనారోగ్యములు ఏర్పడతాయి. తల్లి, శిశువులిరువురికి ఈ దోష నివృత్తికి కేరళ తంత్ర పరిహరాదుల ద్వారా పరిహార నిర్మూలన జరిపిస్తాము.

కుటుంబంలో వ్యక్తులు ముఖ్యంగా దంపతులలో ఒకరు, స్త్రీ శాపము కారణంగా చెడు మార్గాలలో పయనిస్తున్నపుడు, వారికి గల దోష నిర్మూలనకు, అతికామ విచ్చేధన తంత్ర అనే పరిహారము ద్వారా 6 రోజుల పాటు హోమాదులు పరోక్షముగా నిర్వహించుట వలన, వారికి గల గ్రహ దోషము నియంత్రించబడి వారు సాంప్రదాయబద్ధంగా నడచుకుంటారు. ఒక రకంగా ఇది వశీకరణం లాంటిది. వ్యక్తులు చెడు వ్యసనాలకు బానిసలైన వారికి (వివాహం గాని వారికి) కుక్షి బలి, పైశాచిక శుక్ర గ్రహ పీడా నివారణ బలి అనే కేరళ తాంత్రిక విధానాలను, వ్యక్తులకు దోష నివారణార్థం 12 రోజులు నిర్వహించబడును. వ్యక్తులకు తెలియకుండానే ఈ హోమదులు నిర్వహించబడతాయి. ఈ దశలో లేదా ఆ సమయంలో (హోమాదులు నిర్వహించు సమయంలో) కొన్ని నియమాలు తప్పక పాటించవలసి ఉంటుంది. కొన్ని దినములు తాంత్రిక ఔషధ సేవనము చేయవలసి ఉంటుంది. 41 రోజులలో సంపూర్ణ ఫలితము లభించును.

కోర్టు వ్యవహారాదులలో విజయం సాధించుటకు మహాసుదర్శన హోమము, క్రీడా రంగములో లేదా కళారంగములో కార్య విజయ ప్రాప్తికి ‘భీష్మ బలి’ అనే కేరళ తాంత్రిక పరిహారాదులను నిర్వహించుట జరుగును.
సంతాన దోష నిర్మూలనకు, సంతాన చింత విచార దోష నివృత్తికి, శీఘ్ర సంతాన ప్రాప్తికి తంత్ర పరిహారమును 5 రోజులు నిర్వహించడం జరుగుతుంది.
వ్యాపార వ్యవహారాదులలో నష్టాలను నిర్మూలించి అఖండ ధన ప్రాప్తి పొందడం కోసం ‘తాంత్రిక గంధర్వ కుబేర బలి’ అనే పరిహారములు 5 రోజులు నిర్వహించడం జరుగుతుంది.
గుప్త శతృ నిర్మూలనకు చండీ హోమమును 9 రోజులు నిర్వహించాలి. శతృ సంహారమునకు ‘తాంత్రిక హనుమాన్ హోమాన్ని’ నిర్వహిస్తాము.
భూత, ప్రేత, పిశాచ బాధలకు (negative energies), ప్రతికూల శక్తుల నిర్మూలనకు‘జ్వాలా నృసింహా హవనము’ను నిర్వహిస్తాము.
గ్రహణ యోగము ఉన్న జాతకులకు గ్రహణ యోగ దోష నివారణ కోసం‘సూర్య సప్తశతి హవనము’జరిపించాలి.
పితృదోష నివారణకు‘నారాయణ బలి, మోక్ష నారాయణ బలి’ నిర్వహిస్తాము.
ప్రతికూల గ్రహ దశలు జరుగుతున్నపుడు గ్రహ దోషాది హోమము, జపములు, దానములు జరిపించబడతాయి (వారి జన్మకుండలిలోని గ్రహదశల ఆధారంగా).
రాజకీయ రంగమున పదవీ ప్రాప్తి కొరకు‘రాజశ్యామల హోమము’ను జరుపగలము.
గురు చండాల యోగ నిర్మూలనకు‘అఘోరా దత్త బలి’ని నిర్వహిస్తాము.
ఆరోగ్య ప్రాప్తికి మరియు మందుల వ్యాపారాభివృద్ధికి ‘మహా తాంత్రిక ధన్వంతరీ కుబేర బలి’ని నిర్వహించుట జరుగును.
తంత్ర ప్రయోగాలకు గురి కాబడి, సమస్యలను ఎదుర్కొంటున్న వ్యక్తులకు 21 రోజులు ‘వలియ గురూతి పూజ’ జరిపించబడును.
ఋణ విమోచనకు ‘అష్ట మంగళ బలి’ని, ఇచ్చిన ఋణములు తిరిగి పొందుటకు‘తాంత్రిక కుజ కుబేర బలి’ని నిర్వహించడం జరుగుతుంది.
బాలారిష్టములు నిర్మూలించడానికి ‘మహా మార్కండేయ బలి’ని నిర్వహిస్తాము.
కార్య విఘ్న నివారణకు‘ఉచ్ఛిష్ట గణపతి హోమము’ను జరిపించగలము.
‘ప్రత్యాంగిర, భగలాముఖి, శూలిని, సిద్ధ కుబ్జక, రక్త కాళి, అఘోరా, వటుక భైరవ, క్షేత్ర పాల’ అను కేరళ తాంత్రిక పరిహరాదులు శతృ సంహారమునకు, అఖండ విజయ ప్రాప్తికి జరిపిస్తాము.
‘వారాహి, ఉచ్ఛిష్ట చండాలిని, జ్వాలా ముఖి’ వివిధ కేరళ తాంత్రిక పరిహారములను జర్పించుకున్న జాతకులు ప్రసాదమును, అంగూలీకమును, మాలలను, యజ్ఞ భస్మమును, పవిత్ర తైలమును, రజిత సర్ప ప్రతిమలను పొందగలరు.

జాతకుల యొక్క జన్మ లగ్నం, జన్మ నక్షత్రం ఆధారంగా వారికి పరిహారాది సమయములు తిథులు నిర్ణయించబడి, ఆ తిథులలో మాత్రమే తంత్ర పరిహారములు జరుపుటకు సాధ్యపడును.

జాతక పరిశీలన:

జన్మకుండలిని పరిశీలించి ఆరూఢ పథం ద్వారా మరియు కేరళ జ్యోతిష్య నిఘూడ విధానాలా ద్వారా జాతకులకు భూత, భవిష్యత్, వర్తమానములలో జరిగే సంఘటనలీ, కలిగే యోగాలు, అవయోగములు, వారి ప్రాప్తించెడి బంధములు, ఆస్తులు పొందుట, పితృదోషము, వైవాహిక దోషములు, వాటి వలన కలిగే దుష్పరిణామాలు, గురు చండాల యోగము పరిశీలన, వాటి వలన కలిగే ప్రతికూల సంఘటనలు, వాటికి నివారణా మార్గాలు, వైవాహిక దోషం కారణంగా కలిగే వైధవ్య దోషములు, ఆలస్య వివాహ దోషములు, వాటికి పరిహారములు,ఆదాయ క్షయం, ఉద్యోగ అస్థిరత, ఉద్యోగం పొందలేకపోవడం, ఉన్న ఉద్యోగంలో సమస్యలు ధీర్ఘ కాలిక రోగముల వలన కలిగే శరీర బాధలకు గ్రహ దోష పరిహరాదులు, కేరళ తాంత్రిక విధానంలో ప్రైహారాలు తెలిపి, వాటికి పరిహరాదులు జాతకులకు నిర్వహించుట జరుగును. పితృదోషం వలన కలిగే అపశ్రుతులు, స్థిరస్తులు, పిత్రార్జితము కోల్పోవుట, స్వగృహ ప్రాప్తి, వాహన గండములు, వాటికి నివారణా మార్గములు, విద్యా హీనత, పరిష్కారములు, ఈ విధంగా జాతకుని యొక్క జీవిత విశేషములు గ్రహ స్థితులు, వాటి ఫలితములు, మొత్తం అన్నియూ క్షుణ్ణంగా పరిశీలించి తెలుపబడుతుంది. వ్యక్తుల జాతకపరిశీలన ద్వారా వారు ఎదుర్కొంటున్న సమస్యలకు పరిష్కారములు ఖచ్చితముగా తెలుపగలము.

ph: 9846466430

email: chakrapani.vishnumaya@gmail.com

సంపూర్ణ జాతక పరిశీలన- Complete Personal Horoscope Reading

సర్పబలి -సర్పారాధన ప్రాముఖ్యత

By chakrapani 0 Comments

సర్పబలి

హైందవులకు పరమ పూజ్యము మరియు ప్రమాణీకము అయిన భగవద్గీతలో శ్రీ కృష్ణ భగవానుడు సర్పముల గురించి చెప్పడం జరిగింది. భగవద్గీత దశమ అధ్యాయములోని 28వ శ్లోకంలో “సర్పాణాం ఆస్మి వాసుకిః” అని చెప్పడం జరిగింది. ఆ శ్లోక భాగానికి అర్థం ఏమిటంటే సర్పములలో వాసుకి అను సర్పము నా అవతారమే అని. అలాగే అదే అధ్యాయంలోని 29వ శ్లోకంలో “అనంతశ్చాస్మి నాగానాం” అని చెప్పడం జరిగింది. ఈ భాగానికి అర్థం ఏమిటంటే నాగజాతి వారిలో ఆదిశేషుడు (అనంతుడు) నేనే అని. సర్పములను సుబ్రహ్మణ్య స్వామి యొక్క స్వరూపములుగా పూజించడం జరుగుతున్నది. దాదాపు ప్రపంచంలోనే అనేక దేశాలలో ప్రాచీన కాలం నుండి నేటి వరకు సర్పాలను పూజిస్తున్నారు అన్న మాట యధార్థము. సుబ్రహ్మణ్య స్వామికి కార్తికేయుడు, కుమార స్వామి, దంఢాయుధపాణి మరియు స్కంధుడు అన్న పేర్లు కూడా ఉన్నాయి. శ్రీ కృష్ణ పరమాత్మ భగవద్గీతలో “సేనానినామహం స్కంధః” (దశమ అధ్యాయం 24వ శ్లోకం) అని చెప్పడం జరిగింది. అనగా సేనాధిపతులలో కుమార స్వామిని నేనే అనే అర్థం. ఆ విధంగా చూస్తే సుబ్రమణ్య స్వామి సాక్షాత్తు శ్రీ మహా విష్ణువు అవతారమేనని భావించడం పొరపాటు ఎంతమాత్రము కాదు. కార్తికేయుడు సకల శుభలక్షణములను కలిగియున్న కలియుగ ప్రత్యక్ష దైవము అనటంలో అతిశయోక్తి ఎంత మాత్రమూ లేదు. జ్ఞాన, ఐశ్వర్య, శక్తి, బాల, వీర్య మరియు తేజమును కలిగియున్న పరబ్రహ్మము శ్రీ షణ్ముఖుడే అని హైందవ ఇతిహాసములు ఘోషిస్తున్నాయి. సర్పము, సుబ్రహ్మణ్య స్వరూపము అనే హైందవ విశ్వాసానికి అనుగుణంగా భారతదేశంలో సర్పాలను ఆరాధిస్తున్నాయి.

మీ వ్యక్తిగత సంపూర్ణ జాతక పరిశీలన వివరాల కొరకు ఇక్కడ క్లిక్ చేయండి.

ఈ జన్మలో గాని, గత జన్మలో గాని నాగుపాముని చంపడం వల్ల కలిగే భయంకరమైన పాపాన్ని తొలగించుకోవడానికి ‘సర్పబలి’ లేదా ‘నారాయణనాగబలి’ అను తంత్ర విధానాలను ఆచరించాలి . గత జన్మలో చేసిన పాపకర్మల ఫలితం ఈ జన్మలో సర్పగ్రహాల అన్నీ చెప్పబడే రాహు, కేతు, శుక్ర, శని కుజ గ్రహాలు కలుగజేసే విష యోగం, నాగ శాపం, చండాల యోగాల ద్వారా మానవుడు పీడింపబడతారు. వాటిని నిర్మూలించడం కోసం సర్పబలిని నిర్వహిస్తారు. నాగుపాముని తెలిసి గాని, తెలియక గాని చంపినపుడు నాగశాపం తగులుతుంది. అలా నాగశాపం తగిలినపుడు ఆ శాపం తగిలిన వారికి సంతాన భాగ్యం ఉండదు. ఇలాంటి నాగశాపం ఉన్న దంపతులు సంతానం కోసం వైద్యుల వద్దకు వెళితే ఆ దంపతులలో ఏ లోపం ఉండదని తెలుస్తుంది. అయినా సరే, వారికి సంతానం కలుగదు. అలాగే కొందరు దంపతులు సంతాన సంబంధమైన లోపాలు ఉన్నపుడు మంచి వైద్యుల వద్దకు వెళ్ళి మంచి మందుల్ని వాడుకున్న కారణంగా గర్భం వస్తుంది. ఆ గర్భిణీ స్త్రీకి మూడవ నెల వెళ్ళి నాలుగవ నెల వచ్చేసరికి గర్భస్రావం జరిగిపోతుంది. మందులు వాడి గర్భవతులైన ఎందరో స్త్రీలు నాగశాపం కారణంగా గర్భస్రావములు పొంది అటు అనారోగ్యాన్ని ఇటు తోటి ఆడవారి హేళనలను పొందుతున్నారు.

ఇంకొంతమంది ధనికులైన వారు IVF విధానంలో గర్భవతులు అయినప్పటికి నెలలు నిండిన తరువాత వారి గర్భములతో లోపాలు ఉన్న శిశువులు ఉండటం జరుగుతుంది. ఫలితంగా ఆ బిడ్డలను వైద్యులే తొలగించుకోమని వైద్యులే సలహా ఇస్తారు లేదా అంగవైకల్యంతో పుట్టిన ఆ బిడ్డలు 30 రోజులులోపే చనిపోవడం జరుగుతుంది లేదా ఏదో ఒక అంగవైకల్యం ఉండటం జరుగుతుంది. కొంతమందికి మాటలు రాకపోవడం, కొంత మందికి గాయాలు, అగ్ని వల్ల, చెడు దృష్టి వల్ల అనారోగ్యం పాలవడం జరుగుతుంది. సైన్స్ ఎంతో అభివృద్ధి చెందింది అని చెప్పి ఈ రోజుల్లో ఏ లోపాలులేని స్త్రీలకు ఎందుకు సంతానం కలుగడం లేదా? ఐ‌వి‌ఎఫ్ విధానంలో జన్మిస్తున్న బిడ్డలలో ఎంత శాతం మంది పరిపూర్ణ ఆరోగ్యంతో పుడుతున్నారు. ఎంత శాతం ఆరోగ్యంగా ఉంటున్నారు. ఈ దుస్థితికి కారణం దంపతులలో భార్యకు లేదా భర్తకు నాగశాపం లేదా కాలసర్ప దోషం ఉండుటమే అని ఎవరికి తెలుస్తుంది.

జ్యోతిష్య శాస్త్రాన్ని అతిలోతుగా పరిశీలించిన నాకు, నాగశాపం వల్ల సంతానపరమైన సమస్యలు ఉద్భవిస్తాయని తెలుసుకున్నాను. అయితే ఈ నాగశాపాన్ని ఎలా తొలగించుకోవాలా అని ఎంతో పరిశోధించగా చివరకి “సర్పబలి” అనే ప్రక్రియ చేయడం వల్ల కలసర్పదోషాలు, నాగశాపాలుతొలగి సంతానం కలుగుతుందని తెలుసుకున్నారు. వివాహం గాని వారికి కాలసర్పదోష, నాగదోష పరిహారాలను జరిపించడం ద్వారా శీఘ్ర కాలంలో వివాహం జరుగుతుంది. స్త్రీలకు బహిష్టు వచ్చే 8 రోజులు ముందు ఈ తంతు జరిపించుకోవాలి. కేరళలోని మా తాంత్రిక పీఠములందు సర్పబలి పరిహారక్రియను మేము గత 18 సంవత్సరాలు నుండి నిర్వహిస్తున్నాము.

నాగదోష నివారణ

సర్పాన్ని వధించిన వారికి (పూర్వజన్మలోగాని, ఈ జన్మలో గాని) కలిగే అతి భయానకమైన పాపాన్ని సర్పశాపాన్ని మరియు కాలసర్పదోషాలను తొలగించే ఏకైక ప్రక్రియ సర్పబలి. ఈ నాగశాపం, కాలసర్పదోషం ఉన్నవారికి సంతానం కలుగకపోవడం, సంతానం ప్రక్కదోవలు పట్టడం, సంతాన్మ అకాలమృత్యువు పాలవడం, యుక్తవయస్సు వచ్చిన స్త్రీ పురుషులకు అందం, చదువు, ధనం అన్నీ ఉన్నా వివాహం కాకపోవడం, క్యాన్సర్, షుగర్ వ్యాధులకు గురికావడం, వైవాహిక జీవితం ఛిద్రం కావడం, చట్టసంబంధమైన వివాదాలకు, జరిమాణాలకు శిక్షలకు గురికావడం, మానసిక దిగ్భ్రాంతికి గురికావడం (Hallucination) జీవితంలో అభివృధ్హిని పొందలేకపోవడం, విషజ్వరాలకు గురి కావడం ఎవరికైనా ధనము ఇస్తే అది తిరిగి పొందలేకపోవడం జరుగుతుంది. ఈ సర్పదోశానికి పరిహారంగా ఆశ్లేష బలి, నవనాగమండలం, మహాసర్పబలి వంటి మహత్తర సర్పపూజాది హోమాలు జరిపించుకొని దోష నివారణను పొందాలని ఆశించేవారు ముందుగా ముఖ్యంగా తెలుసుకోవలసిన విషయాలు సర్పదోషం ఉండి సమస్యలను ఎదుర్కొంటున్న వ్యక్తులు శీఘ్ర వివాహం కోసం, సత్సాంతాన భాగ్యం కోసం, నష్టద్రవ్యప్రాప్తి (ఇచ్చిన ధనం తిరిగి పొందడానికి) కొరకు, ధీర్ఘ కాలిక అనారోగ్య సమస్యలను, వ్యాధులను నిర్మూలించడానికి చట్ట సంబంధ వివాదాలా నుండి శీఘ్రంగా బయటపడటం కోసం, తంత్ర ప్రయోగాళా నుండి బయట పడటానికి ఇష్టదేవతా అనుగ్రహం పొందడం కోసం చేసే నాగబలి కార్యక్రమానికి జరిపించడానికి ముందుగా తెలుసుకోవాల్సిన విషయాలు.

కాలసర్పయోగ నివృత్తి హోమం

కాలసర్పయోగం అంటే ఏమిటి?

జన్మకుండలిలో రాహువు మరియు కేతువు ఉన్న రాశుల మధ్యలో మిగిలిన ఏడు గ్రహములు, అనగా రవి,చంద్ర, శని, కుజ, శుక్ర, బుధ, గురు గ్రహములు ఇమిడి ఉన్నట్లైతే ఈ కాలసర్ప యోగం ప్రాప్తిస్తుంది. ఎవరి జాతకంలో అయితే ఈ కాలసర్ప యోగం ఉంటుందో, ఆ జాతకులు తమ జీవితంలో ఎన్నో కష్టాలు, ఒడిదుడుకులు చూడాల్సి ఉంటుంది. తమ తమ రంగాలలో గొప్ప స్థాయికి చేరుకోడానికి, పేరు ప్రతిష్టలు సంపాదించుకోవడానికి ఈ కాలసర్ప యోగం ఉన్న జాతకులకు తీవ్రమైన ఆటంకాలు ఎదురవుతాయి. ఎంత కష్టపడినా సరే, ఆ కష్టానికి తగిన ప్రతిఫలం దక్కదు.

కాలసర్పయోగం వల్ల ఎలాంటి కష్టాలు ఏర్పడతాయి?

కాలసర్పయోగం వల్ల ఎన్నో సమస్యలు, అనుకోని సంఘటనలు జాతకుడు ఎదుర్కోవాల్సి ఉంటుంది. కాలసర్పయోగం ఉన్న జాతకులకు ఆరోగ్య రీత్యా యోగ ప్రభావం పడుతుంది. శారీరకంగా వ్యాధుల బారీన పడి బాధలు అనుభవించాల్సి ఉంటుంది. మనఃశాంతి లేకపోవడం, జ్ఞాపకశక్తి మరియు పట్టుదల లేకపోవడం, అనవసరమైన ఒత్తిళ్ళకు లోనవడం, భాద్యతారాహిత్యంగా వ్యవహరించడం, జ్ఞానం లోపించడం, వ్యక్తిత్వ లోపాలు ఉండటం, ఆలోచనాశక్తి తక్కువగా ఉండటం జరుగుతాయి. దీనివల్ల జాతకుడు మానసిక స్థిరత్వం ఉండదు. దీనివల్ల వ్యక్తిగతంగా వారి సన్నిహితులతో సరైన బంధం కొనసాగించక బాధలు పడతారు. ఈ కాలసర్పయోగం వల్ల నిరంతరంగా శారీరక అనారోగ్యాలు లేదా వ్యాధులు ఏర్పడటమే కాకుండా, ఆ వ్యాధి తీవ్రత ఎక్కువ అవ్వటం జరుగుతుంది.

పన్నెండు రకాల కాలసర్పయోగాలు ఏమిటో, వాటి వల్ల జాతకులు ఎదుర్కొనే ఫలితాలు ఎలాంటివో ఈ లింకు క్లిక్ చేసి తెలుసుకోవచ్చు.

ఇక విద్యా, వృత్తి విషయాలకు వస్తే ఈ కాలసర్ప యోగం ఉన్న జాతకులు ఎప్పుడూ పరీక్షల్లో ఫెయిల్ అవుతూ ఉండటం, మంచి విద్యను నేర్చుకోలేకపోవటం, స్కూలుకు గాని, కాలేజీకి గాని, విశ్వవిద్యాలయానికి గాని ఒక కొత్త విద్య కొరకు చేరలేకపోవటం లాంటివి జరుగుతాయి. ఈ కాలసర్పయోగం జాతకులకు పై చదువులు చదవాలన్న శ్రద్ధ లేకుండా ఉండటానికి కూడా ఈ యోగం కారణం అవుతుంది. చదువులో, చేసే వృత్తిలో నిరంతర విఫలం పొందడం కూడా ఈ కాలసర్పయోగం వల్ల జరుగుతుంది. ఈ యోగం ఉన్న జాతకులకు ఉద్యోగాలలో ప్రమోషన్లు రావడానికి ఎన్నో ఇబ్బందులు, ఆటంకాలు ఎదురవుతాయి. ఒక్కోసారి ఉద్యోగం కూడా నష్టపోయే అవకాశాలు రాక మానవు.

ఈ కాలసర్ప యోగం ఉన్న వారు ప్రేమ వ్యవహారాలలో విఫలం అవ్వటం, ప్రాణ స్నేహితుని చేతిలో గాని, భాగస్వామి చేతిలో గాని, భార్య/భర్త చేతిలో గాని మోసపోవటం జరుగుతుంది. జీవిత భాగస్వామితో, ఆప్తులతో ఉన్న బంధం పై ఈ యోగ ప్రభావం పడుతుంది. వివాహం ఆలస్యంగా జరగడం, వైవాహిక జీవితం సాఫీగా ఉండకపోవడం, శృంగార జీవితంలో ఆనందం లేకపోవడం, వంధ్యత్వం (సంతాన లేమి), పదే పదే రక్తస్రావాలు జరగటం, పుత్ర యోగం లేకపోవటం, దంపతుల మధ్య అన్యోన్యత లేకపోవటం, విడాకులు జరగడం లాంటి దుర్ఘటనలు ఈ కాలసర్ప యోగం వల్ల సంభవిస్తాయి.

ఈ కాలసర్ప యోగం వల్ల ఆర్థికపరంగా అభివృద్ధి లేకపోవటం, ఆర్థిక స్థిరత్వం లేకపోవటం, జాతకుడిని పేదవాడు అయ్యేలా చేసే తీవ్రమైన అధిక ఋణాలు, వ్యాపారంలో అడ్డంకులు, వంశపారపర్యంగా వచ్చే ఆస్తులలో ఆటంకాలు వస్తాయి.

ఈ కాలసర్పయోగం వల్ల ప్రభావితులైన వారు, తమ జీవితంలో చిన్నతనం నుండి వృద్ధాప్యం వరకు ఆరోగ్య పరంగా, విద్య పరంగా, వృత్తి పరంగా, వివాహ పరంగా, అప్పుల ఆర్థికంగా, సామాజికంగా, రోజు వారి కార్యక్రమాల పరంగా, వారి లక్ష్యాలను చేరుకునేందుకు ఎన్నో ఆటంకాలు, అవరోధాలు ఏర్పడతాయి.

వామతంత్రం ప్రకారం, జన్మకుండలిలో కాలసర్పయోగం ఉన్న జాతకులు తమ బాధల నుండి, సమస్యల నుండి విముక్తి పొందాలంటే, “కాలసర్పయోగా నివృత్తి హోమం” తప్పక జరిపించాలి. ఈ పరిహారం జరిపించడం వల్ల జాతకులకు ఉన్న దురదృష్టం దూరమయ్యి, శుభ ఫలితాలు సిద్ధిస్తాయి. ఈ హోమం జరిపించడం వల్ల పితృదేవతల అనుగ్రహం లభిస్తుంది. అందువల్ల జాతకులకు శుభ ఫలితాలు సంప్రాప్తిస్తాయి. సంతానం లేని దంపతులు ఈ కాలసర్పయోగ నివృత్తి హోమం చేసుకోవడం వల్ల శీఘ్రంగా సంతానం కలుగుతుంది.వ్యాపారంలో నష్టాలు చూసే వారు, వృత్తిపరంగా అపజయం పాలయ్యే వారు, దుష్ట శక్తులు, దుష్టుల నుండి దూరం కావాలనుకునేవారు ఈ కాలసర్ప శాంతి హోమం ఎంతో శుభాన్ని చేకూరుస్తుంది.

జాతక పరిశీలన:

ph: 9846466430

సంపూర్ణ జాతక పరిశీలన- Complete Personal Horoscope Reading

email: chakrapani.vishnumaya@gmail.com

Please wait...

Want to be notified when our article is published? Enter your email address and name below to be the first to know.

కుజ దోషం-Kuja Dosham